52:347  847  EPIST.  PAULI  AD  TIMOTHEUM  IL  348  tionem1)  vocat  aBialsimov,  quia  nunquam  eum  praetereat  quoties  precatur.  Quem  colo  a  progenitorem.  Hanc  testificationem  opposuit  notis  illis  calumniis,  quibus  eum  passim  Iudaei  gravabant,  quasi  desertor  esset  patriae  religionis  et  a  lege  Mosis  apostata.  Ex  adverso  testatur  se  Deum  colere  quem  a  maioribus  acceperat,  Deum  scilicet  Abrahae,  qui  se  patefecit  Iudaeis,  qui  legem  suam  tradidit  per  manum  Mosis:  non  autem  novitium  aliquem  Deum,  quem  sibi  ipse  nuper  fabricaverit.  Sed  hic  quaeri  pote&t,  quum  glorietur  Paulus  se  religionem  sequi  a  maioribus  proditam,  an  hoc  satis  firmum  sit  fundamentum.  Nam  inde  sequitur,  hunc  fore  speciosum  colorem  ad  excusandas  omnes  superstitiones:  et  crimen  fore  si  quis  a  maiorum  suorum  institutis,  qualiacunque  sint,  vel  minimum  discedat.  Responsio  facilis  est,  non  hic  constitui  certam  legem,  ut  quisquis  receptam  a  patribus  suis  religionem  sequitur,  is  rite  Deum  colere  censeatur:  et  rursum  qui  desciverit  a  consuetudine  maiorum,  crimen  inde  aliquod  sustineat.  Nam  circumstantia  haec  semper  observari  debet,  quod  Paulus  non  ab  idololatris  ducebat  originem,  sed  a  filiis  Abrahae  qui  verum  Deum  adorabant.  Scimus  autem  quid  pronuntiet  Christus  Iohannis  4,  22,  solos  scilicet  Iudaeos  tenere  veram  adorandi  rationem,  quum  fictitios  omnes  gentium  cultus  improbat.  Non  ergo  hic  Paulus  nuda  Patrum  autoritate  nititur,  nec  quoslibet  patres  in  medium  adducit,  sed  tollit  falsam  illam  opinionem,  qua  sciebat  se  iniuste  gravari,  quod  relicto  Deo  Israelis  alienum  sibi  Deum  adsciverit.  In  pura  conscientia.  Certum  est,  non  semper  puram  fuisse  Pauli  conscientiam  :  utpote  qui  fatetur  se  per  hypocrisin  fuisse  deceptum,  quum  sibi  concupiscendi  licentiam  indulgeret  (Rom.  7,  8).  Nam  quod  excusat  Chrysostomus  eius  Pharisaismum,  eo  quod  non  malitia,  sed  ignoratione  evangelium  oppugnabat:  id  non  satisfacit.  Neque  enim  vulgare  elogium  est  purae  conscientiae,  nec  potest  a  sincero  et  serio  Dei  timore  separari.  Itaque  ad  praesens  tempus  restringo,  hoc  modo,  quod  unum  cum  proavis  suis  et  eundem  Deum  colat:  sed  nunc  colat  sincero  cordis  affectu,  ex  quo  per  evangelium  erat  illuminatus.  Nam  eodem  pertinent  tot  contestationes  quibus  utitur  in  Actis  (24,  14):  Deservio  patrio  Deo,  credens  omnibus  quae  in  lege  sunt  ac  prophetis.  Item  (26,  6),  Et  nunc  de  spe  promissionis,  quae  ad  patres  nostros  facta  est,  iudicio  sto  subiectus,  ad  quam  duodecim  tribus  nostrae  devenire  sperant.  Item  (28,20),  Propter  spem  Israelis  vinctus  sum  hac  catena.  In  precibus  meis  die  et  noctu.  Hinc  apparet  quanta  illi  fuerit  precandi  assiduitas.  Nec  tamen  aliud  de  se  praedicat,  quam  quod  suis  omnibus  com-  *)  Memoriam.