5:347  CATECHISMUS.  que  componat,  omnes  rerum  eventus  moderetur,  omnibus  suis  creaturis  pro  suo  arbitrio  utatur,  omnes  omnium  voluntates  sibi  subiiciat.  Atque  id  quidem  postulantes,  nostris  omnibus  desideriis  abrenunciamus,  quidquid  in  nobis  est  affectuum  Domino  resignantes  ac  per  mittentes:  rogantesque  ne  res  ex  voto  nostro  nobis  fluere,  verum,  ut  ipse  prospexerit  ac  decreverit,  succedere  faciat.  Neque  vero  id  solum  petimus,  ut  affectus  nostros,  qui  voluntati  suae  adversantur,  Deus  vanos  et  irritos  faciat:  sed  potius  ut  novas  mentes  novosque  animos,  nostris  exstinctis,  in  nobis  creet:  ut  nullus  cupiditatis  motus  in  nobis  sentiatur,  quam  purus  cum  voluntate  sua  consensus.  In  summa,  ne  quid  ex  nobis  ipsis  velimus,  sed  ut  spiritus  suus  velit  in  nobis,  quo  intus  docente  discamus  amare  ea,  quae  illi  placita  sunt:  odisse  vero,  atque  abominari,  quaecunque  displicent.  Quarta.  Panem  nostrum  quotidianum  da  nobis  hodie.  Qua,l)  in  genere  omnia,  quibus  corporis  usus  sub  elementis  huius  mundi  indiget,  a  Deo  petimus:  non  modo  quo  alamur,  ac  vestiamur,  verum  etiam  quidquid  omnino  conducere  nobis  prospicit:  ut  panem  nostrum  in  pace  comedamus,  [pag.  40]  Qua  breviter  nos  in  eius  curam  tradimus,  ac  providentiae  committimus,  ut  nos  pascat,  foveat,  servet.  Non  enim  dedignatur  optimus  pater  corpus  etiam  nostrum  in  fidem  ac  custodiam  suam  suscipere,  ut  fidem  nostram  minutis  istis  in  rebus  exerceat,  dum  ab  eo  omnia,  usque  ad  micam  panis,  et  guttam  aquae  exspectamus.  Porro  quod  Quotidianum  et  Hodie  dicimus,  significat  petendum  duntaxat  quantum  necessitati  nostrae  satis  est,  et  velut  in  diem:  hac  certa  fiducia,  patrem  nostrum,  ubi  nos  hodie  nutrierit,  neque  nobis  crastinum  defuturum.  Quantacunque  autem  rerum  copia  nobis  affluat,  semper  tamen  panem  quotidianum  nos  petere  convenit,  hoc  cogitantes,  omnem  substantiam  nihil  esse,  nisi  quatenus  effusa  sua  benedictione  Dominus  prosperat  et  foecundat:  et  quae  in  manu  nostra  est,  ne  nostram  quidem  eam  esse,  nisi  quatenus  in  singulas  horas  portiunculam  nobis  dispensat,  usumque  permittit.  In  eo  quod  Noster  dicitur,  magis  adhuc  eminet  Dei  benignitas,  quae  nostrum  facit,  quod  nobis  nulla  ratione  debebatur.  Quod  dari  petimus,  significatur  esse  simplex  ac  gratuitum  Dei  donum,  undecunque  nobis  adveniat,  etiam  ubi  maxime  visus  fuerit  arte  atque  industria  nostra  quaesitus.  Quinta.  Remitte  nobis  debita  nostra,  sicut  et  nos  remittimus  debitoribus  nostris.  Qua  peccatorum  2)  veniam  et  remissionem  cmdo-  1)  Instit  p.  186  seqq.  2)  Ibid.  p.  188  seqq.