49:347  347  EPIST.  PAULI  AD  CORINTHIOS  I  348  eius  quasi  opprimeret.  Tametsi  ergo  non  penitus  erant  gratia  destituti,  quia  tamen  plus  carnis  quam  spiritus  in  illis  exstabat,  inde  carnales  nominantur.  Quod  satis  constat  ex  eo  quod  continuo  subiungit,  suisse  pueros  in  Christo:  non  enim  pueri  fuissent,  nisi  geniti:  haec  autem  generatio  a  Dei  spiritu  est.  Pueris  in  Christo.  Hoc  nomen  aliquando  in  bonam  partem  capitur  :  sicut  apud  Petrum,  qui  iubet  nos  similes  esse  infantibus  nuper  genitis  (1.  Pet.  2,  2).  Et  in  illa  Christi  sententia:  Nisi  fueritis  similes  pueris  istis,  non  intrabitis  in  regnum  Dei  (Luc.  18,  17).  Hic  autem  male  sonat:  quia  ad  intelligentiam  refertur.  Oportet  enim  nos  malitia  pueros  esse,  non  sensu,  ut  dicet  capite  14,  20,  quae  distinctio  nodum  ambiguitatis  solvit,  cui  respondet  illud  Ephesiorum  4,  14:  Ne  simus  pueri,  qui  circumferamur  quovis  vento  doctrinae  et  ludamur  hominum  fallaciis  :  sed  crescamus  in  dies,  ete.  2.  Lactis  potu  vos  alui.  Hic  quaeritur  num  Christum  transfiguraverit  Paulus  pro  auditorum  varietate.  Respondeo,  ad  docendi  modum  vel  formam  id  potius  quarn^  ad  doctrinae  substantiam  referri.  Christus  enim  idem  lac  est  pueris,  et  adultis  solidus  cibus:  eadem  evangelii  veritas  utrisque,  sed  pro  suo  modo  administratur.  Prudentis  ergo  doctoris  est,  eorum,  quos  docendos  suscipit,  captui  se  attemperare:  ut  apud  infirmos  et  rudes  ab  elementis  incipiat,  nec  altius  conscendat  quam  sequi  possint  :  ut  denique  paulatim  instillet  doctrinam,  ne  largius  infusa  superfluas  Sed  nihilo  minus  quidquid  cognitu  necessarium  est  continebunt  haec  rudimenta  quam  absolutior  doctrina,  quae  robustioribus  traditur.  Qua  de  re  lege  Homiliam  Augustini  in  Iohan.  98.  Ita  refellitur  fucosa  quorundam  excusatio,  qui,  quum  timore  periculi  aliquid  tantum  obscure  balbutiant  de  evangelio,  praetendunt  hoc  Pauli  exemplum.  Interea  Christum  ita  procul  indicant,  et  quidem  multis  involucris  tectum,  ut  suos  discipulos  perpetuo  detineant  in  exitiali  ignorantia.  Taceo  quod  multas  corruptelas  admiscent,  quod  Christum  non  modo  dimidium,  sed  lacerum  frustulatim  ostendunt:  quod  crassam  idololatriam  non  dissimulant  modo,  sed  exemplo  quoque  suo  confirmant  :  quod  si  quid  boni  dixerint,  protinus  multis  mendaciis  contaminant.  Quam  nihil  habeant  simile  cum  Paulo,  satis  constat:  lac  enim  alimentum  est,  non  venenum:  et  alimentum,  quod  educandis  pueris  aptum  sit  et  utile,  donec  augescant.  Nondum  enim  eratis  capaces.  Ne  sibi  nimium  in  sua  perspicacia  blandiantur,  primum  declarat  quid  initio  in  illis  compererit  :  deinde  subiicit,  eadem  nunc  quoque  vitia  in  illis  residere:  quod  durius  est.  Debuerant  enim  saltem  Christum  induendo  carnem  abiicere  :  atque  ita  Paulum  conqueri  videmus  de  legitimo  doctrinae  progressu  impedito.  Nisi  enim  remoram  iniiciat  auditor  tarditatis  suae  culpa,  boni  doctoris