25:347  347  REDITUS  AD  HISTORIAM.  348  eum  reciperent.  Mandata  partim  eo  spectabant  ut  stabiliretur  autoritas  Iosuae,  partim  ut  sanctius  obstringeretur  ad  officium  praestandum.  Nam  ex  quo  praecepit  Moses  Dei  nomine  quid  factu  opus  esset,  eum  exemit  ab  omni  temeritatis  nota:  deinde  legitima  stipulatione  interposita,  magis  ac  magis  ad  fidem  et  diligentiam  animari  debuit.  21.  Coram  Eleazar  stabit  Hic  una  in  re  sacerdoti  subiicitur,  ut  eum  interroget  per  Urim  et  Thummim:  hoc  enim  symbolo  (ut  ante  visum  est)  commendata  fuit  sacerdotii  dignitas,  ut  Deum  princeps  consuleret  per  os  sacerdotis,  qui  indutus  sacro  Ephod,  cuius  emblemata  erant  Urim  et  Thummim,  responsa  dabat,  tanquam  Dei  ipsius  interpres.  Docet  ergo  hic  locus,  imperium  Iosuae  non  fuisse  profanum:  ut  certe  in  omnibus  imperiis  legitimis  primas  tenere  debet  religio.  Nam  quum  omnia  a  Deo  pendeant,  ab  eius  cultu  separari  absurdum  esset.  OEDtPD��  hoc  est  iudicium,  hic  accipitur  pro  regula  vel  praescripta  ratione,  ac  si  iuberet  legem  petere  ex  oraculis,  quae  sacerdos  a  Deo  accepta  per  manus  tradet,  nec  aliud  in  rebus  perplexis  sequi.  Tandem  subiicit  Moses,  se  fecisse  quidquid  Deus  praeceperat,  ut  certo  persuasi  essent  omnes  Deum  non  secus  quam  antea  dominaturum  in  persona  Iosuae.  EIUSDEM  HISTORIAE  REPETITIO.  EX  DEUT.  CAP.  III.  21.  Ipsi  quoque  Iosua  praecepi  eo  tempore,  dicendo:  Oculi  tui  viderunt  quaecunque  fecit  Iehova  Deus  vester  duobus  regibus:  sic  facturus  est  Iehova  omnibus  regnis  ad  quae  tu  pergis.  22.  Ne  timeatis  eos,  quia  Iehova  Deus  vester  ipse  est  qui  pugnat  pro  vobis.  23.  Rogaveram  autem  Iehovam  tempore  illo,  dicendo:  24.  Domine  Iehova,  tu  coepisti  ostendere  servo  tuo  magnitudinem  tuam,  et  manum  tuam  validam.  Quis  enim  Deus  in  coelo,  aut  in  terra,  qui  faciat  secundum  opera  tua,  et  secundum  fortitudines  tuas?  25.  Transeam  quaeso,  et  videam  terram  illam  bonam,  quae  est  trans  Iordanem,  montem  istum  bonum  et  Libanum.  26.  Iratus  autem  Iehova  contra  me  propter  vos,  propterea  non  exaudivit  me,  sed  dixit  mihi  :  Sufficiat  tibi,  ne  posthac  addas  verbum  ad  me  super  hac  re.  27.  Ascende  verticem  Pisgah,  et  leva  oculos  tuos  ad  Occidentem,  ad  Aquilonem,  ad  Meridiem,  et  ad  Orientem,  ac  vide  oculis  tuis,  non  enim  transibis  Iordanem  istum.  28.  Praecipe  autem  Iosuae,  et  confirma  eum,  et  robora  eum,  ipse  enim  transiturus  est  ante  populum  istum,  et  idem  tradet  illis  terram