6:346  organon  illud  suum  reddit  efficax,  ut  tale  desiderium  accendat.  Quanquam  momenta  aut  articulos  agendi  Deo  praescribere,  nostrum  non  est.  Tantum  retineamus  illam,  quam  describit  Paulus,  arcanae  spiritus  operationis  cum  externa  hominis  praedicatione  colligationem,  et  erimus  omni  difficultate  expediti.  Quoniam  autem  nonnulla  scripturae  testimonia,  quae  parum  in  speciem  videntur  cum  doctrina  nostra  congruere,  in  nos  torquent  adversarii,  in  mea  Institutione  ostendo,  qualiter  falso  et  perperam  in  alienum  sensum  sic  torqueantur;  atque  ut  in  compendium  redigam,  in  certos  ordines  distribuo,  quorum  primus  est  de  praeceptis.  Aut  illudit,  inquiunt,  nobis  Deus  praecipiendo,  aut  nonnisi  quae  sunt  in  potestate  nostra,  a  nobis  requirit.  Hic  respondeo,  nihil  intelligere  eos,  qui  hominis  vires  praeceptis  metiuntur.  Pighius  ad  illud  tritum  suum  [pag.  158]  axioma  redit,  non  esse  impossibilem  legis  observationem:  quod  eo  maiore  animo  pronunciat,  quia  nunquam  de  legis  observatione  serio  cogitavit.  Tales  enim  hodie  fere  sunt  magnanimi  isti  gigantes,  qui  de  legis  facilitate,  de  operum  meritis,  de  perfectione  philosophantur:  alto  l)  enim  spiritu  despumant,  legem  observatu  possibilem  esse,  cuius  nullam  omnino  partem,  vel  minimo  digito,  unquam  attigerunt.  At  si  semel  vel  levi  apprehensione  conciperent,  quid  sit  illud  :  Dilige  Dominum  Deum  tuum  ex  toto  corde,  ex  tota  mente,  ex  totis  viribus  tuis,  agnoscerent  profecto,  quam  procul  ab  eius  complemento  distare  hominem  necesse  sit,  quamdiu  corpore  hoc  mortali  circumdatur.  Sed  nos  in  alia  etiamnum  quaestione  versamur.  Non  enim  implendae  modo,  sed  etiam  inchoandae  legi  imparem  dicimus  esse  hominem:  nec  perfectam  modo  et  exactam  iustitiae  plenitudinem,  sed  infimam  quoque  et  facillimam  partem  illius  facultatibus  superiorem  esse  dicimus,  quas  adeo  in  sublime.  Pighius  evehit.  An  autem  verum  illud  sit  necne,  nolo  ut  quispiam  ex  me  discat:  sed  consulat  unusquisque  fidelium  vivam  fidei  experientiam,  tum  certius  rei  quam  verbis  assentietur.  Iam  quae  ad  huius  sententiae  confirmationem  clarissima  Pauli  testimonia  allego,  rite  se  diluisse  putat,  quum  huc  non  pertinere  pronunciavit.  An  quia  per  legem,  inquit,  cognitio  peccati,  ideo  impossibilis  est  legis  observatio?  Ego  vero  non  id  modo,  sed  serium  quoque  observandi  studium  impossibile  esse,  inde  colligo:  sicut  loci  contextus  necessario  postulat.  Nam  illa  quaestione  in  medium  posita,  possitne  obtineri  iustitia  per  legem,  ut  hoc  impossibile  esse  convincat,  hac  tantum  ratione  utitur:  per  legem  cognitio  peccati  (Rom.  3,  20).  1)  Sic  sola  princeps,  adstipulante  Gallo  qui  vertit:  Car  ils  entonnent  gros  et  a  plein  gosier.  Ex  Gallasii  exemplari  fluxit  recentiorum  lectio:  alio.