55:346  exierunt  in  mundum.  2.  In  hoc  cognoscite  spiritum  Dei:  Omnis  spiritus,  qui  confitetur  Iesum  Christum  in  carne  venisse,  ex  Deo  est:  3.  et  omnis  spiritus  qui  non  confitetur  Iesum  Chritum  in  carne  venisse,  ex  Deo  non  est.  Et  hic  est  Antichristus,  de  quo  audiistis  quod  venturus  sit,  et  nunc  iam  in  mundo  sit  Redit  ad  superiorem  doctrinam,  quam  attigerat  capite  secundo.  Plerique  enim  (ut  in  rebus  novis  fieri  solet)  Christi  nomine  abutebantur  ad  serendos  suos  errores.  Alii  dimidia  ex  parte  profitebantur  Christum:  interea  quum  locum  haberent  inter  domesticos,  plus  valebant  ad  nocendum.  Praesertim  in  Christo  ipso  turbandae  ecclesiae  materiam  captabat  Satan.  Nam  hic  est  lapis  offensionis,  ad  quem  impingere  necesse  est  omnes  qui  planam  viam,  ut  a  Deo  nobis  monstratur,  non  tenent.  Porro  tribus  membris  constat  tota  haec  apostoli  ratio.  Nam  primo  malum  ostendit  unde  periculum  fidelibus  instabat  :  atque  hac  ratione  eos  ad  cavendum  hortatur.  Cavendi  modum  praescribit,  ut  diiudicent  inter  spiritus.  Atque  hoc  est  secundum  membrum.  Tandem  speciem  unam  designat,  a  qua  maximum  erat  illis  periculum.  Vetat  igitur  eos  audire,  qui  filium  Dei  in  carne  manifestatum  esse  negant.  Nunc  singula  ordine  tractemus.  Tametsi  autem  in  contextu  ratio  ista  subiicitur,  quod  multi  pseudoprophetae  in  mundum  exierint:  tamen  inde  initium  facere  convenit.  Continet  autem  haec  sententia  utilem  admonitionem,  quia  si  iam  tunc  multos  impulerat  Satan,  qui  sub  Christi  nomine  suas  imposturas  spargerent:  hodie  simile  exemplum  consternare  nos  non  debet.  Haec  enim  perpetua  est  evangelii  conditio,  ut  eius  puritatem  variis  erroribus  inficere  ac  corrumpere  moliatur  Satan.  Hoc  nostrum  saeculum  horrenda  quaedam  sectarum  portenta  protulit:  qua  occasione  multi  attoniti  haerent,  et  quorsum  se  vertere  debeant  nescientes,  omnem  pietatis  curam  abiiciunt.  Neque  enim  melius  inveniunt  compendium  sese  extricandi  ab  errorum  periculo.  Stulte  id  omnino:  lucem  enim  veritatis  fugiendo,  sese  ultro  in  errorum  tenebras  coniiciunt.  Quare  hoc  in  animis  nostris  fixum  haereat,  ex  quo  publicari  coepit  evangelium,  statim  exstitisse  pseudoprophetas.  Muniet  etiam  nos  haec  doctrina  contra  illud  offendiculum.  Plerosque  errorum  vetustas  quasi  vinctos  retinet,  ne  inde  emergere  audeant.  Atqui  Iohannes  intestinum  ecclesiae  malum  hic  designat.  Quod  ai  iam  tum  apostolis  aliisque  fidis  doctoribus  permisti  fuerunt  impostores,  quid  mirum  si,  iampridem  oppressa  evangelii  doctrina,  multae  corruptelae  in  mundo  grassatae  sunt?  Non  est  igitur  quod  nos  impediat  antiquitas,  quo  minus  libere  veritatem  a  mendacio  discernamus.  1.  Ne  omni  spiritui  credatis.  Multi  (ut  dictum  est)  quum  ecclesia  dissidiis  et  contentionibus  vexa-