54:346  iugement,  le  marque  comme  au  doigt,  notons  que  par  cela  il  nous  veut  certifier  en  la  vertu  du  sainct  Esprit,  que  ce  n'est  point  une  chose  douteuse  que  ceste  seconde  apparition  du  Fils  de  Dieu.  Mais  combien  qu'elle  nous  soit  incomprehensible  selon  la  chair,  toutesfois  nous  la  devons  contempler  des  yeux  de  la  foy:  c'est  a  dire,  d'autant  que  nous  avons  ses  promesses  qui  nous  en  sont  donnees,  comme  un  miroir,  qu'il  nous  faut  la  du  tout  arrester  nos  sens.  Mais  il  s'en  faut  beaucoup  que  ceux  qui  se  nomment  Chrestiens  ayent  prattique  ceste  doctrine  comme  il  seroit  requis.  Car  nous  ne  pouvons  pas  regarder  trois  doigts  loin  de  nous.  Et  si  tost  que  Dieu  differe  son  aide  quand  nous  sommes  en  necessite,  nous  voila  esperdus,  nous  ne  scavons  que  devenir.  Comment  donc  pourrons-nous  monter  si  haut  que  de  veoir  le  Fils  de  Dieu  assis  au  siege  de  sa  maieste,  et  a  sa  gloire  celeste,  combien  qu'il  soit  cache  selon  nostre  sens  humain?  Or  tant  y  a  que  ceci  n'est  point  escrit  sans  cause.  Et  quand  Iesus  Christ  nous  appelle  a  soy,  et  qu'il  veut  que  ceste  trompette  resonne  a  nos  aureilles,  comme  si  desia  nous  l'oyons,  Qu'il  nous  faut  trouver  tous  devant  son  siege  iudicial:  cela  nous  doit  bien  resveiller.  Et  ce  n'est  pas  seulement  ici  qu'il  use  d'un  tel  langage  et  style,  mais  quand  il  a  dit  ci  dessus  qu'il  avoit  este  secouru  par  Onesiphore,  il  dit  que  le  Seigneur  luy  rende  en  ce  iour-la.  Et  notons  que  sainct  Paul  se  voyoit  desia  prochain  de  la  mort  quand  il  parloit  de  ceste  couronne  de  iustice.  Il  ne  faut  point  donc  que  nous  soyons  estonnez  quand  il  semblera  que  nous  soyons  du  tout  peris  et  perdus,  mais  c'est  alors  que  nous  devons  estre  tant  plus  incitez  a  elever  nos  testes  en  haut,  puis  que  nostre  redemption  est  prochaine,  et  nous  asseurer  que  nous  ne  serons  point  frustrez,  ayans  ainsi  appuye  nostre  fiance  sur  le  Fils  de  Dieu  qui  est  la  verite  immuable,  et  par  lequel  Dieu  se  declare  a  nous,  et  cognissons  son  conseil  eternel.  Yoila  (di-ie)  ce  que  nous  avons  a  noter  de  ce  passage,  quand  sainct  Paul  marque  ainsi  la  venue  de  nostre  Seigneur  Iesus  Christ.  Or  afin  qu'on  ne  pense  point  que  ce  qu'il  a  dit  fust  seulement  pour  sa  personne,  il  adiouste,  Que  c'est  une  resiouissance  commune  a  tous  enfans  de  Dieu.  Mais  cependant  il  attribue  aux  fideles  ce  titre,  qu'ils  aiment  ceste  apparition  de  nostre  Seigneur  Iesus  Christ.  Voulons-nous  donc  estre  participans  de  ce  bien  inestimable  dont  sainct  Paul  a  parle,  c'est  ascavoir  qu'en  toute  nostre  vie  nous  scachions  que  Dieu  nous  recoit  par  sa  pure  bonte,  et  que  ce  que  nous  luy  ostrons  n'est  point  perdu,  mais  qu'il  luy  est  comme  un  sacrifice  de  bonne  odeur?  Vou-