52:346  genie,  vult  agnosci.  Ratio  autem  appellationis  est,  quia  eum  in  Christo  genuerat.  Nam  etsi  uni  Deo  convenit  hic  honor  :  ad  ministros  tamen  etiam  transfertur,  quorum  opera  utitur  ad  nos  regenerandos.  Gratia,  misericordia.  Nomen  misericordiae,  quod  hic  posuit,  solet  in  usitatis  salutationibus  omittere:  quod  factum  fuisse  puto,  quum  solito  maiore  vehementia  affectum  suum  profunderet.  Caeterum  videtur  inversus  esse  ordo.  Nam  quum  misericordia  sit  causa  gratiae,  praecedere  debuit  in  contextu.  Verum  hoc  quoque  non  male  quadrat  ut  gratia  subiiciatur,  quo  melius  exprimat  qualis  sit  illa  gratia,  et  unde  manet:  ac  si  per  modum  declarationis  attexuisset,  nos  ideo  amari  a  Deo  quia  est  misericors.  Quamquam  potest  hoc  etiam  exponi  de  quotidianis  Dei  beneficiis,  quae  totidem  sunt  misericordiae  eius  testimonia.  Nam  quoties  nobis  opitulatur,  quoties  a  malis  liberat,  ignoscit  peccatis  nostris,  infirmitati  indulget:  hoc  facit,  quia  nostri  miseretur.  3.  Gratiam  habeo  Deo,  quem  colo  a  progenitoribus  in  pura  conscientia,  ut  assiduam  tui  mentionem  facio  in  precibus  meis  die  et  noctu,  4.  desiderans  te  videre,  memor  tuarum  lacrimarum,  ut  gaudio  implear:  5.  memoria  repetens  eam  quae  in  te  est  sinceram  fidem,  quae  habitavit  primum  in  avia  tua  Loide,  et  in  matre  tua  Eunica:  persuasum  autem  habeo  quod  etiam  in  te.  3.  Gratiam  habeo.  Vulgo  ita  exponunt,  quod  Paulus  gratiam  Deo  habeat:  deinde  mox  sequatur  causae  redditio,  vel  argumentum  gratiarum  actionis:  quia  sine  intermissione  memor  sit  Timothei.  Sed  expendant  lectores  annon  aeque  bene,  ac  etiam  melius  quadret  hic  sensus:  Quoties  tui  recordor  in  precibus  meis,  id  autem  facio  continenter,  simul  etiam  de  te  gratias  ago.  Nam  particula  <&c  frequentius  ita  accipitur.  Et  sane  ex  altera  versione  nonnisi  frigidus  sensus  elici  potest.  Secundum  hanc  expositionem  precatio  signum  erit  sollicitudinis  :  gratiarum  actio  signum  gaudii:  quia  scilicet  de  Timotheo  nunquam  cogitabat,  quin  venirent  in  mentem  praeclarae  virtutes  quibus  ornatus  erat.  Hinc  gratulationis  materia.  Suavis  enim  et  iucunda  semper  est  piis  donorum  Dei  recordatio.  Utrumque  porro  est  verae  benevolentiae  argumentum.  Men-