49:346  16.  Quis  enim  cognovit.  Verisimile  est,  Paulum  respexisse  ad  id  quod  habetur  Iesaiae  quadragesimo:  nam  sicut  illic  propheta  rogat,  quisnam  fuerit  consiliarius  Dei,  qui  spiritum  eius  appenderit,  vel  eum  adiuverit  tam  in  mundi  creatione,  quam  in  aliis  operibus,  qui  denique  rationem  operum  eius  perspectam  habeat:  ita  hac  interrogatione  vult  docere  Paulus,  procul  abesse  ab  hominum  mentibus  arcanum  eius  consilium,  quod  evangelio  continetur.  Est  igitur  confirmatio  superioris  sententiae.  Nos  autem  mentem  Christi.  Incertum  est  loquaturne  de  fidelibus  in  universum,  an  de  ministris  duntaxat:  uterque  enim  sensus  contextui  non  male  congruet.  Quamquam  malo  ad  ipsum  et  alios  fideles  ministros  specialiter  referre.  Dicit  ergo,  servos  Domini,  quod  a  sensu  carnis  remotissimum  est,  spiritus  magisterio  doceri,  ut  tanquam  ex  ore  Domini  intrepide  loquantur:  quod  donum  gradatim  postea  ad  totam  ecclesiam  defluit.  CAPUT  iu.  1.  Et  ego,  fratres,  non  potui  vobis  loqui  tanquam  spiritualibus,  sed  tanquam  carnalibus,  tanquam  pueris  in  Christo.  2.  Lactis  potu  vos  alui,  non  solido  cibo.  Nondum  enim  eratis  capaces,  ac  ne  nunc  quidem  estis:  3.  siquidem  estis  adhuc  carnales.  Postquam  enim  sunt  inter  vos  aemulatio  et  contentio  et  factiones:  nonne  carnales  estis  et  secundum  hominem  ambulatis?  4.  Quum  enim  dicat  unus,  ego  sum  Pauli:  alter  vero,  ego  Apollo:  nonne  carnales  estis?  1.  Et  ego,  fratres.  Incipit,  quod  de  carnalibus  dixerat,  conferre  in  ipsos  Corinthios,  ut  intelligant  suo  vitio  accidere  quod  crucis  doctrina  minus  ipsis  arrideat.  Verisimile  est,  in  illis  mercatoriis  ingeniis  plus  satis  confidentiae  et  arrogantiae  adhuc  tunc  haesisse:  ut  evangelii  simplicitatem  aegerrime  nec  absque  magna  difficultate  amplecterentur.  Unde  factum  erat  ut  posthabito  apostolo  et  divina  praedicationis  eius  efficacia,  argutis  illis  doctoribus  et  ostentationis  plenis,  tametsi  inanes  essent  spiritus,  magis  attenderent.  Ergo  quo  eorum  insolentiam  melius  retundat,  testatur  illos  partem  eorum  fuisse,  qui  carnis  sensu  obruti  spiritualis  Dei  sapientiae  capaces  non  fuerint.  Emollit  quidem  acerbitatem  suae  exprobrationis  quum  fratres  appellat:  sed  simpliciter  tamen  illis  exprobrat,  adeo  suffocari  eorum  mentes  carnis  tenebris,  ut  hoc  suae  apud  eos  praedicationi  impedimentum  attulerit.  Qualis  itaque  iudicii  sanitas,  ubi  ne  ad  audiendum  quidem  adhuc  sunt  apti  vel  comparati?  Caeterum  carnales  non  prorsus  fuisse  intelligit  in  quibus  nulla  esset  spiritus  Dei  scintilla  :  sed  qui  sensu  carnis  plus  nimio  adhuc  abundarent:  ut  praevaleret  caro  spiritui,  et  lumen  25