47:346  cuique  ad  certam  mensuram  partitus  est,  quantum  satis  erat  scientiae.  Cur  ergo  se  omnia  patefecisse  dicit?  Respondeo,  hoc  ad  mediatoris  personam  et  officium  restringi.  Medium  se  inter  Deum  et  nos  constituit,  qui  ex  arcano  Dei  sanctuario  acceperit  quae  nobis  de  manu  quod  aiunt  in  manum  traderet.  Nihil  ergo  eorum,  quae  m  salutem  nostram  erant,  et  quae  scire  nostra  referebat,  omisit  Christus  apud  suos  discipulos.  Ita  quatenus  ordinatus  est  ecclesiae  magister  ac  doctor  unidQk,  nihil  audivit  a  patre  quod  non  fideliter  suos  docuerit.  Tantum  adsit  humile  discendi  studium  ac  docilitas,  et  sentiemus  non  frustra  evangelium  a  Paulo  vocari  sapientiam,  quae  perfectos  reddat  homines  (Coloss.  1,  28).  16.  Non  vos  me  elegistis,  sed  ego  elegi  vos:  et  fpnstitui  vos,  ut  eatis  et  fructum  afferatis,  et  fructus  vester  maneat  :  ut,  quod  petieritis  a  patre  in  nomine  meo,  det  vobis.  17.  Haec  praecipio  vobis,  ut  diligatis  vos  mutuo,  18.  Si  mundus  vos  odit,  scitis  quod  me  priorem  vobis  odio  habuit  19.  Si  ex  mundo  essetis,  mundus,  quod  suum  esset,  diligeret:  quia  autem  ex  mundo  non  estis,  sed  ego  elegi  vos  ex  mundo,  propter  id  vos  odit  mundus.  20.  Mementote  sermonis,  quem  ego  dixi  vobis,  non  est  servus  maior  domino  suo:  si  me  persequuti  sunt,  et  vos  persequentur:  si  sermonem  meum  servaverunt,  et  vestrum  servabunt.  21.  Sed  haec  omnia  facient  vobis  propter  nomen  meum,  quia  non  noverunt  eum,  qui  misit  me.  16.  Non  vos  me  elegistis.  Clarius  adhuc  exprimit  non  ipsorum  merito,  sed  gratiae  suae  debere  ferri  acceptum,  quod  in  tantum  honorem  pervenerint.  Nam  quum  se  electum  fuisse  ab  illis  negat,  perinde  hoc  valet  ac  si  diceret,  quidquid  habent,  minime  sibi  propria  arte  vel  industria  comparasse.  Vulgo  mutuum  quendam  concursum  fingunt  divinae  gratiae  et  humanae  voluntatis:  sed  ista  antithesis,  Ego  vos  elegi,  non  sum  a  vobis  electus,  in  solidum  uni  Christo  vindicat,  quod  inter  ipsum  et  hominenf  partiri  solent,  ac  si  dictum  esset,  non  sponte  moveri  hominem  ad  quaerendum  Christum,  donec  quaesitus  fuerit.  Non  agitur  hic  quidem  de  communi  piorum  electione,  qua  in  filios  Dei  adoptantur,  sed  de  particulari,  qua  discipulos  suos  ad  munus  praedicandi  evangelii  destinaverat.  Verum  si  gratis  nullo  suo  merito  electi  fuerunt  illi  ad  munus  apostolicum,  certum  est  multo  magis  gratuitam  esse  electionem,  qua  ex  filiis  irae  et  semine  maledicto  efficimur  vitae  aeternae  haeredes.  Adde  quod  gratiam  suam  Christus,  qua  electi  fuerant  in  apostolos,  sio  commendat  in  hoc  loco,  ut  priorem  illam,  qua  insiti  fuerant  ia  ecclesiae  corpus,  simul  coniungat:  imo  generaliter  quidquid  in  ipsos  contulerat  dignitatis  his  verbis  complectitur.  Interim  fateor  de  apostolatu  diserte  tractari.  Consilium  enim  Christi  est,  incitare  disci-