32:346  8.  (Surge  Iehova  in  requiem  tuam.)  Est  hic  loquendi  modus  satis  crassus,  ut  Deus,  qui  coelum  et  terram  implet,  veniat  in  novum  hospitium,  sed  iis  elogiis  externa  quae  instituit  Deus  pietatis  exercitia  consulto  ornantur,  quo  libentius  illis  operam  impendant  fideles.  Nam  si  Deus  nullo  medio  interposito  recta  nos  in  coelum  vocet,  quia  nobis  horrorem  incutit  longa  distantia,  friget  invocationis  studium.  Itaque  licet  locum  non  mutet,  propius  tamen  ad  nos  accedit.  Sic  olim  ad  populum  suum  descendit  per  arcam  foederis,  in  qua  visibilem  exstare  voluit  gratiae  et  virtutis  suae  praesentiam.  Ideo  secundum  membrum  exegetice  additum  est,  ut  scirent  fideles,  Dei  adventum  non  aliter  intelligi  nisi  quatenus  virtutem  suam  in  arca  conspicuam  reddebat.  Nam  et  hoc  sensu  vocatur  arca  fortitudinis:  quia  non  mortuum  vel  inane  spectrum  erat,  sed  re  ipsa  monstrabat  Deum  ecclesiae  suae  propinquum  esse.  Requies  autem  Dei  vocatur  mons  Sion,  quia  nusquam  alibi  in  posterum  tempus  coli  Deus  volebat,  quemadmodum  paulo  post  iterum  repetam.  9.  (Sacerdotes  tui  induantur  iustitia.)  Nunc  in  genere  precatur  pro  felici  ecclesiae  statu:  quod  ex  proximo  sententia  dependet:  quia  non  alium  in  finem  habitat  Deus  in  medio  nostri,  quam  ut  bene  et  feliciter  nobis  sit.  Quidam  magis  optari  putant  ut  vigeat  purus  Dei  cultus:  atque  ita  sanctitatem  requiri  in  sacerdotibus,  ut  etiam  alludat  propheta  ad  sacras  illorum  vestes.  Sed  dum  omnia  simnl  inter  se  confero  et  propius  expendo,  potius  inclino  in  diversam  sententiam:  votum  hic  concipi  ut  Dei  iustitia  refulgeat  in  populo,  sitque  vice  ornamenti  in  sacerdotibus,  deinde  laetitiam  afferat  toti  populo.  Ita  iustitiam  pro  fructu  iustitiae  accipio,  et  illam  quidem  non  hominum,  sed  Dei  interpretor.  Sacerdotes  priore  loco  statui  mirum  non  est:  quia  scimus  ita  compositum  fuisse  ecclesiae  ordinem,  ut  prae  aliis  excellerent.  Suum  tamen  illis  gradum  assignans,  non  desinit  communiter  pro  tota  ecclesia  precari:  ac  si  diceret,  Fac  Domine  ut  iustitiae  tuae  fulgor  irradiet  a  sacerdotibus  in  totum  populum.  Iustitia  autem  nos  Deus  vestire  dicitur  quum  apparet  liberator  noster,  tuetur  nos  sua  virtute,  et  sic  gubernat  ut  testetur  se  gerere  curam  nostri.  Et  certe  Exsultatio  quam  mox  subiicit,  designat  beatam  vitam.  Quum  haec  duo  coniungat,  sequitur,  nomen  iustitiae  non  aliter  quam  pro  Dei  tutela  et  gubernatione  accipi.  In  eundum  sensum  paulo  post  sequetur:  Sacerdotes  tui  induentur  salute.  Et  Solomo  in  illa  solenni  precatione  quam  supra  attigi,  iustitiae  non  meminit,  sed  salutis  tantum.  Cur  D^D!"!  Yel  mansueti  Dei  vocentur  omnes  fideles,  saepius  dictum  est:  quia  scilicet  nulla  est  virtus  qua  propius  ad  Deum  accedant  mortales  quam  beneficentia.