6:345  DE  LIBERO  ARBITRIO.  sit  operis.  Itaque  ingeniosam  occupationem  habere  se  putat,  ut  transsilire  ulterius  liceat  inoffenso  pede,  dum  infinitos  locos  esse  dicit,  in  quibus  ipse  pugno  mecum.  Quanquam  ne  absque  argumento  videatur  haec  dicere,  unum  mox  profert:  Bifariam  in  electis  suis  Deum  operari  dico,  extra  per  verbum,  intus  per  spiritum.  Spiritu  mentes  illuminando,  corda  -in  iustitiae  amorem  cultumque  formando,  novam  eos  creaturam  facere,  verbo,  ad  eandem  renovationem  expetendam,  quaerendam,  assequendam  excitare.  Hic  me  evidenter  mihi  contradicere,  isto  modo  ostendit.  Aut  enim  spiritus  actione,  inquit,  prior  est  verbi  praedicatio,  aut  posterior.  Atqui  secundum  hoc  a  ratione  dissentaneum  est:  quia  frustra  quaererent  et  appeterent  regenerationem  fideles,  quam  iam  consequuti  essent.  Priorem  vero  esse,  cum  doctrina  mea  non  convenit:  quae  hominem  sub  naturae  vetustate  ne  appetere  quidem  posse  bonum  tradit.  Subtilem  certe  artificem,  qui  tam  bene  novit  telas  aranearum  texere.  Ego  vero  respondeo,  fidelibus  iam  regeneratis  praedicari  verbum,  idque  efficaciter,  et  cum  fructu:  non  ut  nascantur  novae  creaturae,  sed  ut  augescant  et  adolescant,  sicut  crescere  et  proficere  tota  vita  nos  oportet.  Si  ad  summam  perfectionem  primo  gradu  perveniretur,  frustra  quidem  docerentur,  qui  semel  audierunt.  Sed  nos  aliud  experimur.  Iam  ergo  abrupta  est  pars  una  texturae.  At  nisi  mentimur,l)  ante  regenerationem  verbo  excitari  nemo  poterit  ad  expetendum  Dei  spiritum.  Merito  alicubi  Augustinus  scholam  hanc  procul  a  sensu  carnis  remotam  esse  admonet.  Quanquam  utcunque  persuaderi  [pag.  157]  nequeant  homines,  stultis  suis  cogitationibus  inebriati,  convinci  tamen  possunt,  ut  ne  amplius  Deo  obloquantur.  Principio,  Paulum  meo  loco  substituam,  qui  ad  repellendos  Pighii  insultus  fortior  erit  et  instructior.  Is  enim  fidem  docet  esse  ex  auditu;  et  continuo  tamen  subiicit,  non  nisi  ex  arcana  brachii  Dei  revelatione  haberi  (Rom.  10,  16.  17).  Audis,  hominem  ex  incredulo,  verbi  praedicatione,  fidelem  fieri;  audis  rursum,  incredulum  manere,  donec  Dei  spiritu  fuerit  illuminatus.  Haec  duo  si  quid  videntur  habere  repugnantiae,  uno  verbo  inter  se  conciliat  Paulus:  dum  sibi  commissum  esse  spiritus  ministerium  gloriatur,  et  quid  sibi  hoc  velit,  declarat:  nempe  quod  efficaciter  insculpat  Deus  hominum  cordibus  per  spiritum,  quod  per  os  eius,  non  ante,  nec  post,  sed  simul  auribus  loquitur.  Praedicatione  ergo  iacitur  semen:  ut  autem  radices  agat,  ut  germinet,  ut  fructificet,  Dei  spiritus  intus  facit.  Nunc,  ut  ad  mea  verba  etiam  veniam:  verbo  excitantur  homines  ad  expetendam  regenerationem.  Quando?  dum  spiritus  Dei  scilicet  1)  Sic  cum  Gallasio  et  Gallo  emendandum.  Princeps  habet:  mentitur.