54:345  345  SUR  LA  SECONDE  A  TIMOTHEE.  346  VINGTNEUV1EME  SERMON.  Chap.  IY,  v.  8.13.  Nous  avons  veu  par  ci  devant,  que  pour  avoir  bon  courage  de  servir  a  Dieu,  tousiours  la  venue  de  nostre  Seigneur  Iesus  Christ  nous  doit  estre  en  memoire:  car  sans  cela  il  nous  faudroit  defaillir  a  chacune  minute  de  temps.  Nous  sommes  fragiles,  il  faut  peu  de  chose  pour  nous  desbauche^  et  les  tentations  que  Satan  nous  met  devant  les  yeux  sont  grandes.  Il  n'y  a  donc  autre  moyen  de  nous  confermer  a  ce  que  nous  persistions  constamment  a.  suyvre  le  bon  chemin,  sinon  que  nous  scachions  que  nostre  Seigneur  Iesus  Christ  viendra  pour  restaurer  les  choses  qui  sont  maintenant  confuses.  Il  semble  que  nous  travaillons  en  vain  quand  le  monde  se  mocque  de  nous,  que  mesmes  nous  sommes  blasmez  apres  avoir  bien  fait  :  mais  nous  scavons  que  Iesus  Christ  a  sa  venue  renversera  toutes  les  fausses  opinions  du  monde,  et  monstrera  que  ce  n'est  point  peine  perdue  de  s'employer  a  son  service.  Or  cependant  il  nous  doit  souvenir  que  nous  ne  pouvons  pas  esperer  que  Iesus  Christ  a  sa  venue  nous  rende  la  couronne  de  iustice,  sinon  d'autant  que  Dieu  par  sa  pitie  accepte  ce  que  nous  faisons:  non  point  que  nous  apportions  rien  du  nostre  qui  vaille,  ou  qui  merite  d'estre  ainsi  renomme:  mais  d'autant  qu'il  nous  a  receus  une  fois  a  merci,  et  qu'il  nous  aime  comme  ses  enfans.  Voila  aussi  pourquoy  nos  oeuvres  luy  sont  agreables.  Il  nous  faut  donc  estre  fondez  sur  la  pure  verite  de  nostre  Dieu,  si  nous  voulons  rien  attendre  de  luy.  Or  maintenant  il  reste  ce  iour  dont  parle  sainct  Paul.  Il  dit,  Ce  iour-la.  Il  pouvoit  bien  declarer  plus  a  plein  la  venue  de  nostre  Seigneur  Iesus  Christ.  Mais  ceste  facon  de  parler  dont  il  use  a  plus  grande  vehemence,  et  nous  doit  mieux  toucher.  Car  il  declare  ceste  certitude  de  foy  qui  estoit  en  luy  :  il  marque  ce  iour  de  la  venue  de  Iesus  Christ  comme  une  chose  qui  luy  estoit  desia  presente.  Il  est  vray  que  selon  le  sens  de  la  chair  nous  ne  comprenons  point  que  nostre  Seigneur  Iesus  Christ  soit  prochain  de  venir  :  car  aussi  il  faut  que  nostre  salut  soit  enclos  en  esperance.  Or  ce  que  nous  esperons  (dit  sainct  Paul)  est  cache.  Mais  cependant,  puis  que  nous  scavons  que  le  Fils  de  Dieu  est  descendu  a  ceste  condition  de  nous  retirer  de  toutes  les  miseres  de  ce  monde,  et  nous  acquerir  le  Royaume  des  cieux,  ne  doutons  point  qu'il  ne  nous  assiste  pour  faire  valoir  la  mort  et  passion  qu'il  a  enduree  pour  nostre  salut,  et  pour  nous  mettre  en  possession  de  tous  les  biens  qu'il  nous  a  acquis,  pour  nous  faire  sentir  le  fruict  et  l'effect  de  sa  premiere  venue.  Ainsi,  quand  sainct  Paul  en  parlant  du  iour  du