52:345  CAPUT  I.  1.  Paulus  apostolus  Iesu  Christi  per  voluntatem  Dei,  secundum  promissionem  vitae,  quae  est  in  Christo  Iesu:  2.  Timotheo  dilecto  filio  gratia,  misericordia,  pax  a  Deo  patre^  et  Christo  Iesu  domino  nostro.  1.  Paulus.  Iam  ex  ipso  prooemio  perspicimus  Paulum  non  solius  Timothei  habuisse  rationem:  alioqui  suum  apostolatum  non  tam  magnifice  assereret.  Quid  enim  verborum  ornamentis  opus  fuisset  apud  eum  cui  res  satis  persuasa  erat?  Publicam  ergo  sibi  autoritatem  hic  apud  omnes  vendicat:  et  eo  diligentius  facit,  quod  iam  morti  vicinus,  totum  ministerii  sui  cursum  vult  approbare:  doctrinam,  in  qua  tradenda  tantopere  laboraverat,  obsignare  vult,  ut  sancta  sit  ad  posteros,  eiusque  veram  effigiem  in  Timotheo  relinquere.  Ac  primum  quidem  suo  more  apostolum  se  C  h  r  i  s  t  i  nominat:  unde  sequitur,  non  eum  instar  privati  hominis  loqui,  vel  contemptim  hominis  instar  esse  audiendum  :  sed  tanquam  eum  qui  personam  Christi  sustineat.  Verum  quia  maior  est  officii  dignitas  quam  ut  in  ullum  hominem  competat,  nisi  Dei  beneficio  et  certa  designatione:  simul  elogium  suae  vocationis  profert,  quum  addit  se  Dei  v  o  l  u  n  t  a  t  e  esse  ordinatum.  Proinde  extra  controversiam  est  eius  apostolatus,  quum  Deum  habeat  autorem  et  vendicem.  Secundum  promissionem.  Quo  certior  sit  sua  vocatio,  eam  cum  promissionibus  vitae  aeternae  coniungit,  ac  si  diceret  :  Quemadmodum  ab  initio  Deus  vitam  aeternam  promisit  in  Christo,  ita  nunc  eius  promissionis  publicandae  me  constituit  ministrum.  In  quo  etiam  finem  ostendit  sui  apostolatus:  nempe  ut  homines  Christo  adducat,  in  quo  vitam  reperiant.  Loquitur  autem  admodum  proprie,  quum  promissionem  vitae  iam  olim  quidem  fuisse  datam  patribus  meminit:  sed  vitam  tamen  hanc  in  C  h  r  i  s  t  o  esse  testatur:  ut  sciamus,  eorum  fidem,  qui  sub  lege  vixerunt,  debuisse  tamen  in  Christum  respicere:  et  vitam,  quae  promissionibus  continebatur,  fuisse  quodammodo  suspensam,  donec  in  Christo  fuit  exhibita.  2.  Dilecto  filio.  Hoc  nomine  non  amorem  modo  suum  testatur  erga  Timotheum,  sed  autoritatem  illi  conciliat  :  quia  in  eo,  tanquam  in  germana  sua  pro-