5:345  CATECHISMUS.  ORATIONIS  DOMINICAE  ENARRATIO.  Iam  clementissimus  pater,  praeterquam  quod  nos  [pag.  36]  monet  atque  hortatur,  ut  se  in  omni  necessitate  quaeramus,  quoniam  tamen  videbat  ne  id  quidem  nos  perspicere,  quid  aequum  postulare,  quidve  e  re  nostra  foret,  huic  etiam  nostrae  ignorantiae  occurrit:  et  quod  captui  nostro  deerat,  de  suo  supplevit  ac  suffecit.  Ex  qual)  eius  benignitate  magnum  consolationis  fructum  percipimus,  quod  nihil  absurdum,  nihil  alienum  aut  importunum,  nihil  denique  non  illi  acceptum  postulare  nos  intelligimus,  qui  paene  ex  eius  ore  rogamus.  Haec  orandi  seu  forma,  seu  regula,  sex  petitionibus  constituta  est  Quarum  tres  priores  Dei  gloriae  peculiariter  destinatae  sunt,  quam  solam  in  illis  intueri  oportet,  nullo  commodi  nostri,  ut  aiunt,  respectu.  Tres  reliquae  nostri  curam  gerunt,  ac  proprie  iis,  quae  ex  usu  nostro  sunt,  postulandis  sunt  assignatae.  Sic  tamen,  ut  Domini  gloriam,  quam  unam  prioribus  illis  spectamus,  bonum  nostrum,  a  cuius  cogitatione  mentem  avertimus,  ultro  sequatur:  rursum  quod  commodo  nostro  expetimus,  non  aliter  quam  in  Domini  gloriam  postulare  liceat.  Pater  noster,  qui  es  in  coelis.  Primum2)  in  ipso  limine  occurrit,  omnem  a  nobis  orationem  offerri  Deo  debere,  in  Christi  nomme:  ut  nulla  alio  nomine  commendari  illi  potest.  Nam  ex  quo  patrem  appellamus  Deum,  nomen  certe  Christi  praetendimus.  Quandotj)  sane  nemo  est  hominum  dignus,  qui  Deo  se  repraesentet,  ac  in  eius  conspectum  prodeat,  ipse  coelestis  pater,  ut  nos  hac  confusione  eximeret,  quae  nostros  omnium  animos  deiicere  debebat,  filium  nobis  suum  [pag.  37]  donavit,  Iesum  Christum,  qui  apud  ipsum  nobis  sit  advocatus  et  mediator,  cuius  ductu  ad  ipsum  secure  accedamus,  tali  intercessore  confisi,  nihil,  quod  eius  nomine  petierimus,  nobis  denegatum  iri:  ut  illi  a  patre  nihil  denegari  potest.  Thronum  quoque  Dei,  non  maiestatis  tantum  esse  thronum,  sed  gratiae,  apud  quem  eius  nomine  multa  fiducia  apparere  audeamus,  misericordiam  consequuturi  et  gratiam  inventuri,  in  auxilio  opportuno  (Hebr.  4,  16).  Atque  ut  lex  de  invocando  Deo  posita  est,  ut  promissio  data,  exauditum  iri,  qui  invocaverint:  ita  in  nomine  Christi,  invocare  peculiariter  iubemur:  et  promissionem  habemus  propositam,  impetraturos  quod  in  eius  nomine  petierimus  (Ioann,  14,  16  et  15,  7).  Adscribitur,  ipsum  esse  in  coelis:  quo  inenarrabilis4)  eius  maiestas,  quam  aliter  mens  nostra,  pro  sua  crassitate,  concipere  non  potest,  designata  est,  quia  coelo  nihil  augustius,  aut  maiestate  plenius  sub  aspectum  nostrum  venire  potest  Quod  perinde  valet,  ac  si  dic-  1)  Instit,  p.  173  seq.  2)  Ibid.  p.  175.  3)  Ibid.  p.  162  beq.  4)  Ibid.  p.  181.