49:345  345  CAPUT  III.  346  abrogare.  Sensus  ergo  est:  facessat  hic  omne  carnis  acumen:  solus  est  spiritualis  qui  tam  stabilem  ac  solidam  habeat  mysteriorum  Dei  notitiam,  ut  certo  discernat  veritatem  a  mendacio,  doctrinam  Dei  ab  hominum  commentis,  minimeque  hallucinetur.  A  nemine  autem  diiudicatur,  quia  non  subest  hominibus  fidei  certitudo,  ut  ad  eorum  nutum  labefactari  queat:  quum  angelis  quoque  ipsis  sit  superior.  Nota  hanc  praerogativam  non  hominis  personae,  sed  verbo  Dei  tribui,  quod  spirituales  in  iudicando  sequuntur,  et  quidem  a  Deo  sibi  cum  vera  intelligentia  dictatum.  Quae  ubi  adest,  supra  humani  iudicii  aleam  constituta  est  hominis  persuasio.  Praeterea  nota  verbum  diiudicandi,  quo  significat  apostolus  non  tantum  illuminari  nos  a  Domino  ad  perspiciendum  verum  :  sed  spiritu  quoque  discretionis  instrui,  ne  inter  verum  et  falsum  dubii  pendeamus  :  sed  statuere  possimus  quid  fugere  et  quid  sequi  oporteat.  Verum  hic  quaeri  possit  quis  ille  sit  spiritualis,  et  ubinam  reperiatur  tanta  praeditus  luce,  ut  omnibus  diiudicandis  sufficiat:  quum  sentiamus  nos  semper  circumsideri  multa  ignorantia  errandique  periculo  esse  obnoxios:  imo  quum  subinde  labantur  et  impingant  etiam  perfectissimi.  Solutio  est  facilis,  quod  non  extendat  Paulus  hanc  facultatem  ad  omnia,  quasi  omnes  Dei  spiritu  renatos  eximat  a  quovis  errore  :  sed  simpliciter  docere  velit,  nihil  valere  carnis  prudentiam  in  iudicanda  pietatis  doctrina:  penes  unum  Dei  spiritum  hanc  censuram  et  hoc  ius  residere.  Quatenus  ergo  regeneratus  est  quisque,  pro  gratiae  sibi  collatae  mensura  recte  et  certo  iudicat,  non  ultra.  Ipse  vero  a  nemine  diiudicatur.  Iam  exposui  cur  nullius  hominis  iudicio  subiacere  dicat  hominem  spiritualem:  nempe  quia  fidei  veritas,  quae  a  solo  Deo  pendet,  ac  in  eius  verbo  fundata  est,  non  stet  vel  cadat  hominum  arbitrio.  Quod  autem  postea  dicet,  spiritum  prophetae  unius  subiectum  esse  aliis  prophetis,  nihil  huic  sententiae  repugnat.  Quorsum  enim  illa  subiectio,  nisi  quod  quisque  prophetarum  aliis  auscultat,  nec  eorum  revelationes  despicit  vel  excludit:  ut  firma  tandem  maneat,  recipiaturque  ab  omnibus  quae  comperta  fuerit  Dei  veritas  ?  Hic  vero  fidei  scientiam  divinitus  acceptam  supra  coeli  terraeque  altitudinem  collocat,  ne  ab  hominum  iudicio  aestimetur.  Quamquam  on  ooSevoc  neutro  genere  legi  potest,  a  nullo:  ut  de  re  intelligatur,  non  de  homine.  Ita  plenior  erit  antithesis:  spiritualem,  quatenus  Dei  spiritu  praeditus  est,  diiudicare  omnia:  a  nulla  re  iudicari:  quia  nulli  humanae  sapientiae  vel  rationi  subest1).  Atque  hoc  modo  ab  omnibus  tam  decretis  quam  legibus  hominum  et  censuris  Paulus  pias  conscientias  eximeret.  l)  Hoc  commo,  (Quamquam  .  .  .  .  subest)  iam  in  editione  a.  1551  apparet  Calvini  opera.  Vol.  XLIX,