41:345  345  SUR  LE  V.  CHAP.  DE  DANIEL.  346  touche,  en  telle  sorte  qu'il  est  vraiement  humilie.  Or  les  meschans  seront  ils  bien  abatus,  mais  cependant  ils  ne  regardent  point  que  c'est  Dieu,  qui  se  venge  de  leur  orgueil:  Et  voila  qui  est  la  cause,  qu'ils  retiennent  tousiours  ceste  fierte  en  leurs  coeurs.  Nous  voions  tout  ceci  en  Balsazar,  car  d'un  coste  il  ne  scait  que  faire,  quand  il  est  ainsi  presse  du  iugement  de  Dieu,  il  est  tant  effroie  que  rien  plus,  et  neantmoins  il  est  plein  d'un  tel  orgueil  qu'il  semble  qu'il  doive  encores  faire  merveilles.  Voila  un  homme  qui  est  plus  mort  que  vif,  et  toutesfois  il  promet  de  faire  dominer  en  un  Royaume,  ceux  qu'il  voudra,  et  luy  mesmes  il  faut  qu'il  en  soit  destitue,  il  veut  elever  les  autres,  et  cependant  il  est  tant  abatu  qu'il  n'en  peut  plus.  Nous  voions  donc,  quel  est  le  sentiment  et  l'aprehention  qu'ont  les  meschans  du  iugement  de  Dieu,  ils  en  seront  bien  fasches  (comme  i'ay  dit)  mais  ce  n'est  pas  qu'ils  aient  une  vraie  humilite  en  eux,  pour  dire,  helas!  voici  mon  Dieu  qui  me  monstre  bien  quel  ie  suis:  C'est  a  scavoir  un  pauvre  ver  de  terre,  qui  ne  puis  rien,  mais  ils  se  confieront  tantost  en  leur  puissance,  tantost  en  leurs  richesses,  ils  diront  maintenant  ie  ne  suis  rien,  et  puis  incontinent  apres  ils  se  viendront  eslever  sur  leurs  ergots,  pour  se  magnifier  iusques  au  bout.  Et  ainsi,  d'autant  plus  avons  nous  bien  a  penser  a  nous,  qu'encores  que  nous  sentions  nos  pauvretes,  que  nous  ne  pensions  point  que  cela  suffise,  et  pourquoy?  Pource  qu'il  pourroit  avoir  un  mespris  en  nostre  coeur,  pour  reieter  toutes  remonstrances:  mais  prions  Dieu  qu'apres  que  nous  aurons  conneu  nos  miseres,  que  nous  nous  humilions  devant  luy,  que  nous  venions  d'une  droite  affection  nous  renger,  a  ce  qu'il  nous  dira,  et  alors  nous  ne  serons  point  semblables  a  Balsazar,  mais  nous  serons  certains  que  Dieu  aura  sa  main  estendue  pour  nous  recueillir  a  soy,  et  nostre  esperance  trouvera  merci  et  pardon  envers  luy.  Suivant  cette  saincte  doctrine  nous  nous  prosternerons  devant  la  face  de  nostre  bon  Dieu,  etc.  SERMON  III  sur  le  Chap.  T.  v-  17.21.  Nous  montrames  hier  comme  Daniel,  combien  que  de  sa  condition  il  fut  un  pauvre  esclave,  neantmoins  est  ordonne  iuge  sur  la  personne  du  Roy  Balsazar,  et  sur  toute  ceste  grande  principaute  de  Chaldee,  qui  estoit  comme  l'Empire  de  tout  le  monde  pour  ce  temps  la,  et  ce  nous  est  un  bel  exemple,  pour  nous  monstrer  comme  Dieu  rabaisse  l'orgueil  de  ceux  qui  s'eslevent  par  trop,  et  ce  pendant  honore  les  siens  quand  ils  sont  mesprises  des