55:344  nal  adspirant  fideles.  Sed  quia  cum  fide  semper  coniunctus  est  amor  Dei,  quo  magis  hypocritas  perstringat  apostolus,  hoc  singulari  privilegio  quo  Deus  suos  filios  dignatur,  eos  privat:  ne  scilicet  putent  aditum  esse  ad  Deum  suis  precibus.  Quum  dicit,  quia  servamus  eius  praecepta,  non  intelligit  fundatam  esse  in  operibus  nostris  orandi  fiduciam:  sed  in  hoc  tantum  insistit,  non  posse  a  fide  disiungi  pietatem  et  sincerum  Dei  cultum.  Nec  absurdum  videri  debet  quod  particulam  causalem  usurpet,  utcunque  de  causa  non  disputet:  nam  accidens  inseparabile,  interdum  causae  loco  poni  solet.  Quemadmodum  si  quis  dicat:  Quia  sol  meridie  supra  nos  lucet,  plus  tunc  esse  caloris.  Neque  enim  sequitur,  ex  luce  oriri  calorem.  23.  Et  hoc  est  praeceptum  eius,  ut  credamus  nomini  Filii  eius  Iesu  Christi:  et  nos  diligamus  invicem  sicuti  praeceptum  dedit  nobis.  24.  Qui  servat  praecepta  eius,  in  ipso  manet,  et  ipse  in  eo:  atque  in  hoc  cognoscimus  quod  manet  in  nobis^  ecc  spiritu  quem  nobis  dedit.  23.  Et  hoc  est  praeceptum.  Rursus  generalem  sententiam  ad  suum  propositum  accommodat.  Summa  est,  nobis  tale  esse  cum  Deo  dissidium,  ut  ab  eius  accessu  arceamur,  nisi  fraterno  inter  nos  amore  simus  coniuncti.  Quamquam  non  solam  hic  caritatem,  ut  prius,  commendat:  sed  fidei  comitem  et  quasi  pedisequam  adiungit.  Haec  verba  sophistae  suis  commentis  depravant:  quasi  partim  fide,  partim  operibus  nobis  comparetur  orandi  libertas.  Quum  Iohannes  ad  legitimam  precandi  rationem  hoc  requirat,  ut  servemus  Dei  mandata:  et  postea  doceat  fide  et  caritate  hanc  observationem  constare  :  colligunt  ilii,  ex  his  duobus  orandi  fiduciam  concipi  debere.  Ego  autem  iam  aliquoties  monui,  hic  minime  tractari  unde  vel  quibus  modis  sibi  hoc  comparent  homines  ut  Deum  invocare  audeant.  Hic  enim  de  causa  vel  dignitate  non  agitur:  tantum  ostendit  Iohannes,  Deum  colloquii  sui  honore  et  privilegio  nonnisi  filios  suos,  et  quidem  spiritu  suo  regenitos,  dignari.  Proinde  hic  est  orationis  contextus:  Ubi  non  regnat  timor  Dei  et  reverentia,  fieri  non  potest  ut  Deus  nos  exaudiat.  Quod  si  nobis  propositum  est  eius  mandatis  obedire,  videndum  est  quid  praecipiat.  Atqui  fidem  a  caritate  non  separat:  sed  utramque  uno  velut  complexu  a  nobis  exigit.  Atque  haec  ratio  est  cur  nomen  m  a  n  d  a  t  i  ,  singulari  numero  posuerit.  Caeterum  hic  locus  insignis  eBt:  quia  tam  perspicue,  quam  breviter  definit  in  quo  consistat  tota  sanctae  vitae  perfectio.  Non  est  ergo  quod  difficultatem  causemur,  quando  nos  Deus  minime  per  longas  ambages  circumagit:  sed  simpliciter  et  uno  verbo  nobis  exponit  quid  rectum  sit,  et  quid  sibi  placeat.  Adde  quod  nulla  in  hac  bre-