5:344  tationes  denique  cordis  nostri  omnes  coram  ipso  effundimus,  diligenter  prospiciendum  est  nobis,  quoties  Dominum  invocamus,  ut  in  intimos  cordis  nostri  recessus  descendamus,  et  inde,  non  ex  gutture  aut  lingua,  Deum  appellemus.  Tametsi  enim  in  oratione  lingua  interdum  conducit,  sive  ut  mens  in  Dei  cogitationem  intenta  eius  exercitio  retineatur,  sive  ut  pars  illa  nostri,  praedicandae  Domini  gloriae  peculiariter  destinata,  simul  cum  corde,  in  meditanda  Domini  bonitate  occupetur:  quid  tamen  sine  animo  valeat,  Dominus  per  prophetam  (Ies.  29,  13;  Matth.  15,  7  s.)  declaravit,  gravissima  ultione  in  omnes  promulgata  qui  corde  ab  ipso  alienati,  labiis  eum  honorant.  Quod  si  vera  oratio  nihil  aliud  esse  debet,  quam  sincerus  animi  nostri  sensus,  ad  Deum  accessuri,  omni  gloriae  nostrae  cogitatione,  omni  propriae  dignitatis  opinione,  omni  denique  nostri  fiducia  decedamus  oportet:  quemadmodum  a  propheta  (Daniel  9,  5  ss.)  admonemur,  non  in  iustitiis  nostris  fundere  preces,  sed  in  misericordiis  eius  magnis,  ut  ille  nos  propter  semet  ipsum  exaudiat,  ut  super  nos  invocatum  est  nomen  eius.  Neque  vero  hic  miseriae  nostrae  sensus  deterrere  nos  ab  accessu  Domini  debet,  quoniam  non  instituta  est  oratio,  qua  nos  arroganter  coram  Deo  efferamus,  aut  aliquid  nostrum  magno  aestimemus:  sed  qua  nostras  [pag.  35]  calamitates  confiteamur  ac  deploremus:  quemadmodum  filii  apud  parentes  suas  querimonias  familiariter  deponunt.  Quin  hic  potius  sensus  nobis  instar  calcans  ac  stimuli  esse  debet,  quo  acrius  ad  orationem  incitemur.  Duo  autem  sunt  quae  ad  orationis  studium  vehementer  nos  impellere  debeant:  mandatum1)  Dei,  quo  orare  praecipit:  et  promissio,  qua  pollicetur  impetraturos  quidquid  petierimus.  Insigni  enim  consolatione  fruuntur,  qui  eum  invocant  ac  requirunt,  quod  intelligant  sic  agendo  se  agere  rem  illi  acceptam:  deinde  eius  veritate  freti,  se  exauditum  iri  certo  confidunt.  Petite,  inquit,  et  dabitur  vobis,  pulsate  et  aperietur,  quaerite  et  invenietis  (Luc.  l  i  ,  9).  Et  Psal.  50  (v.  15):  Invoca  me  in  die  necessitatis:  eruam  te,  et  glorificabis  me.  Ubi  etiam  duas  orationis  partes  breviter,  sed  eleganter  complexus  est:  invocationem  seu  petitionem,  et  gratiarum  actionem.  Priore  cordis  nostri  desideria  apud  Deum  deponimus,  altera  eius  erga  nos  benefacta  recognobcimus,  utraque  autem  in  usu  nobis  continenter  esse  debet.  Tanta  enim  rerum  angustia  nos  undique  urget  ac  premit,  ut  satis  sit  causae  omnibus,  etiam  sanctissimis,  cur  assidue  gemant  ac  suspirent  ad  Deum,  supplicesque  ipsum  invocent.  Ad  haec  tanta  ac  tam  effusa  benefactorum  Dei  largitas  nos  paene  obruit,  tot  ac  tam  ingentia  eius  miracula,  quaquaversum  spectes,  cernuntur,  ut  nunquam  nobis  desit  laudis  ac  gratiarum  actionis  materia.  1)  Instit,  p.  160  seq.