41:344  tence  de  iuge,  qu'elle  leur  soit  comme  un  glaive  qui  trenchera,  et  percera  iusques  au  coeur.  Il  faudra  donc  que  les  meschans  en  viennent  iusques  la  apres  qu'ils  auront  bien  oui,  auiourd'huy  ils  diront,  et  qui  est  ce  qui  a  parle  ne  scait  on  pas  bien  que  c'est  un  homme?  ils  se  voudront  faire  valoir,  voire  soubs  umbre  d'un  pot  et  d'un  verre,  on  les  orra  gazoiiler:  O  il  ne  se  faut  point  estonner  quand  on  verra  qu'un  homme  parle  ainsi,  mais  quoy  apres  qu'ils  se  seront  ainsi  desbordes  quelque  temps,  si  faudra  il  que  Dieu  les  presse,  nous  ne  serons  point  en  peine  de  les  persecuter,  il  ne  faudra  point  que  nous  facions  aucune  poursuite,  car  cette  parolle,  de  laquelle  ils  se  sont  moques  les  poursuivra  et  (comme  i'ay  dit)  elle  leur  sera  un  glaive  pour  les  percer,  elle  leur  sera  une  sentence  de  condemnation,  qu'il  faudra  qu'ils  oient  en  despit  de  leurs  dens:  Et  si  maintenant  ils  font  semblant  de  s'esgaier  et  de  rire,  si  est  ce  que  leur  ris  ne  passe  point  le  gosier,  car  quelque  bonne  mine  qu'ils  facent,  ils  ont  desia  quelque  apprehension  du  iugement  de  Dieu  qui  leur  est  appreste.  Avisons  donc  bien  a  nous,  et  qu'il  ne  nous  advienne  point  de  nous  despiter  ainsi  a  l'encontre  de  Dieu,  mais  rendons  l'auctorite  a  sa  parole  telle,  qu'elle  le  merite,  afin  qu'elle  nous  soit  comme  un  fondement  certain  de  salut,  en  lieu  qu'elle  est  en  ruine  et  en  perdicion  aux  meschans.  Voila  l'admonition  que  nous  avons  a  tirer  de  ce  passage.  Or  il  est  dit  que  Balsazar  avoit  promis  aux  magiciens  de  les  revestir  d'escarlate,  non  point  de  celle  que  nous  ayons  maintenant,  mais  cestoit  le  pourpre  qui  est  bien  plus  precieux,  et  lequel  n'est  pas  maintenant  en  usage:  Tant  y  a  que  pour  lors  ceux  qui  estoient  en  gouvernement,  les  Empereurs,  les  Roys,  et  les  grands  princes,  se  vestoient  de  cela  quant  ils  vouloient  faire  leurs  pompes,  il  est  dit  aussi  qu'il  leur  promet  de  leur  donner  un  colier  d'or  a  leur  col,  qui  estoit  un  signe  de  l'amour,  et  de  la  faveur  d'un  Prince  envers  ceux  qui  le  portoient,  comme  qui  donneroit  maintenant  l'ordre  d'un  Roy  a  quelque  personnage,  autant  en  promet  il  a  Daniel  icy.  Nous  voions  que  les  meschans  qui  ne  sont  point  vraiement  humilies  par  l'Esprit  de  Dieu,  quelque  affliction  qu'ils  aient,  combien  que  leur  condemnation  soit  toute  apprestee:  si  est  ce  qu'ils  ne  peuvent  oublier  leur  orgueil.  Un  homme  qui  est  vraiement  dompte  par  le  sainct  Esprit,  encores  qu'il  soit  grand  selon  le  monde,  si  est  ce  qu'il  ne  se  fie  point  en  sa  grandeur,  il  voit  qu'il  n'est  rien  quant  Dieu  Pafflige.  David  non  obstant  qu'il  fut  Roy,  si  est  ce  neantmoins  qu'il  s'abat  du  tout:  II  ne  presume  rien  de  sa  dignite,  ni  de  toute  cette  pompe  Roialle,  il  estime  tout  cela  moins  que  rien.  Mais  il  est  plus  remis,  que  s'il  estoit  le  plus  malotru  de  tous.  Et  pourquoy?  D'autant  que  Dieu  la