32:344  agitur,  debuit  potius  nominari  Silo.  Sed  quum  extra  controversiam  sit,  novum  domicilium  celebrari  a  propheta,  cur  pro  Sione  Ephratha  ponitur?  Quidam  frivolo  commento  se  expediunt,  binominem  fuisse  locum,  et  aream  quae  ostensa  fuit  Davidi,  dictam  quoque  fuisse  Ephratha,  quod  locus  esset  fertilis,  unde  et  Hieronymus  xaprcocpopcav  vertit,  quanquam  ne  ipse  quidem  sibi  ubique  constat:  quia  dum  alicubi  allegoriis  suis  ludit,  interpretatur  furorem:  quod  absurdum  est.  Equidem  non  dubito  quin  a  fplfij  quod  est  fructum  ferre,  deductum  sit  nomen:  sicut  et  Bethlehem,  quae  in  ea  regione  sita  erat,  ob  foecunditatem  dicta  est  domus  panis.  Sed  de  nomine  loci  frigida  est  divinatio:  itaque  quaerendum  quod  ad  verisimilitudinem  propius  accedat.  Primum  nonnihil  coloris  haberet  haec  expositio:  Rumor  vulgatus  fuerat  arcam  foederis  locandam  esse  in  Ephratha,  unde  oriundus  erat  David,  et  certe  credibile  est,  tam  arcae,  quam  sanctuario  locum  in  solo  eius  natali  maxime  idoneum  visum  esse.  Nec  mirum  est  si  haec  opinio  passim  hinc  invaluerit.  Itaque  auditus  hic  positus  esset  pro  communi  fama.  Quod  si  placeat  hic  sensus,  tempus  verbi  esset  plusquamperfectum,  Audieramus  eam  in  Ephratha,  invenimus  autem  in  sylvis,  hoc  est,  in  loco  non  tam  culto,  neque  amoeno.  Scimus  enim  Ierusalem  montibus  fuisse  cinctam,  nec  partem  illam  terrae  fuisse  frugiferam,  ut  non  abs  re  vocetur  sylvosa.  Expendant  etiam  lectores  an  alter  hic  sensus  male  conveniat,  ut  si  dicant  fideles  se  audiisse  in  Ephratha,  quia  Dominus  sublimius  aliquid  de  Ephratha  pollicebatur,  quam  de  Sion.  Etsi  enim  memorabile  illud  Michaeae  5,  2  vaticinium  nondum  editum  fuerat,  fieri  tamen  potest  ut  iam  Deus  aliquid  magnificum  et  insigne  de  Bethlehem  testatus  foret.  Audivimus  ergo  de  Bethlehem:  sed  quia  locus  ille  adhuc  in  spe  nobis  est  absconditus,  interea  colendus  erit  Deus  in  loco  sylvoso,  donec  promissionem,  quam  de  Ephratha  suspendit,  impleat.  Sed  quia  haec  interpretatio  coacta  est,  eam  vix  audeo  amplecti,  certe  pro  genuina  non  commendo.  Mihi  simplicius  videtur,  nomen  Ephratha  potius  de  persona  Davidis  quam  de  loco  accipere:  ac  si  dixisset  propheta,  Nunc  tandem  ex  quo  regem  Ephrathaeum  sibi  Deus  delegit,  locum  simul  arcae  foederis  fuisse  destinatum.  Ponitur  autem  primo  loco  auditus,  quia  non  fuit  in  hominum  arbitrio  sanctuarium  Dei  usquam  figere,  donec  patefacta  esset  Dei  voluntas.  Nec  vero  supervacua  est  gratulatio,  quod*  tandem  sub  regno  Davidis  nobile  illud  oraculum  de  aeterna  templi  statione  allatum  fuit.  Interea  ostendunt  fideles  se  arcam  non  locasse  in  hospitio  fortuito,  sed  divinitus  fuisse  edoctos  ubi  Deus  coli  vellet,  sicuti  in  legitimo  cultu  semper  primatum  tenet  fides,  quae  ipsa  ex  auditu  nascitur.  Caeterum  quamvis  mons  Sion  nullis  fere  dotibus