55:343  343  EPIST.  IOHANNIS  344  raliter  verum  est,  nunquam  nobis  tranquillam  constare  pacem,  nisi  quam  spiritus  Dei  purgatis  cordibus  praestat.  Nam  quos  stupere  diximus,  illi  tamen  caecas  punctiones  subinde  sentiunt,  et  in  suo  veterno  torquentur.  21.  Si  cor  nostrum  nos  non  accuset.  Iam  exposui,  neque  ad  hypocrisin,  neque  ad  crassum  Dei  contemptum  hoc  pertinere.  Nam  utcunque  reprobis  viae  suae  placeant,  Dominus  tamen  ponderat  corda,  inquit  Solomon  (Prov.  16,  2).  Haec  Dei  trutina  suo  examine  efficit  ne  quis  gloriari  queat  se  mundum  habere  cor.  Hunc  ergo  sensum  habent  apostoli  verba,  tunc  nos  demum  tranquilla  fiducia  venire  in  conspectum  Dei,  quum  nobis  bene  conscii,  recti  et  probi  cordis  testimonium  nobiscum  afferimus.  Est  quidem  verum  illud  Pauli,  fide,  quae  Christi  gratia  nititur,  nobis  additum  ad  Deum  cum  fiducia  patefieri  (Ephes.  3,  12).  Item,  Fide  nobis  pacem  conferri,  ut  tranquillae  coram  Deo  stent  nostrae  conscientiae.  Sed  inter  istas  sententias  nihil  est  dissidii.  Nam  Paulus  causam  fiduciae  ostendit:  Iohannes  vero  tantum  accidens  inseparabile  commemorat,  quod  necessario  cohaeret,  quamvis  causa  non  sit.  Hic  tamen  oritur  maior  difficultas,  quod  nihil  videtur  relinquere  fiduciae  in  toto  mundo,  quis  enim  reperietur,  quem  nulla  in  re  cor  suum  arguat?  Respondeo,  pios  ita  coargui  ut  se  pariter  absolvant:  nam  suis  quidem  eos  peccatis  intus  serio  pungi  necesse  est,  ut  terror  ad  humilitatem,  suique  displicentiam  erudiat:  sed  mox  ad  Christi  sacrificium  confugiunt,  ubi  certam  pacem  habent.  Quamquam  apostolus  alio  sensu  eos  non  accusari  dicit:  quia  utcunque  se  in  multis  deficere  agnoscant,  sublevantur,  tamen  hoc  conscientiae  testimonio,  quod  vere  et  ex  animo  Deum  timeant,  seque  subiicere  cupiant  eius  iustitiae.  Quicunque  hoc  pio  affectu  sunt  praediti,  et  interea  sciunt  sua  studia,  quantumvis  a  perfectione  distent,  Deo  tamen  placere:  merito  cor  sedatum  vel  pacatum  habere  dicuntur,  quia  nulla  est  interior  punctio  quae  placidam  eorum  hilaritatem  turbet.  22.  Et  si  quid  petierimus��  Quia  res  sunt  inter  se  connexae,  fiducia  et  Dei  invocatio  :  quemadmodum  prius  malam  conscientiam  docuit  repugnare  fiduciae  ita  nunc  non  posse  invocari  Deum  pronuntiat,  nisi  ab  iis  qui  eum  puro  corde  timent,  et  rite  colunt.  Hoc  posterius  ex  priore  sequitur.  Est  illud  generale  scripturae  axioma,  Non  exaudiri  a  Deo  impios:  quin  potius  sacrificia  eorum  et  preces  abominationi  esse.  Ergo  ianua  hic  clauditur  hypocritis,  ne  in  Dei  conspectum  cum  eius  contemptu  prorumpant.  Interea  non  significat  afferendam  esse  bonam  conscientiam,  quasi  precibus  nostris  gratiam  conciliet.  Tae  nobis  si  ad  opera  respicimus,  quae  nihil  quam  trepidationis  materiam  in  se  habent.  Non  aliter  igitur  quam  Christo  mediatore  freti,  ad  Dei  tribu-