54:343  343  SERMON  XXVIII  344  Oar  quand  nous  penserons  estre  bien  disposez  pour  servir  a  Dieu,  il  y  aura  tousiours  ie  ne  scay  quoy  qui  nous  retardera,  nous  regarderons  au  monde,  nous  aurons  quelque  tentation  qui  nous  volera  au  travers  des  yeux,  nous  n'invoquerons  pas  Dieu  comme  il  appartient,  nous  ne  serons  pas  affectionnez  et  enflambez  d'un  tel  desir  et  amour  qu'il  seroit  requis,  nous  ne  regarderons  point  de  servir  a  nos  prochains  comme  nous  y  sommes  tenus,  plustost  nous  travaillerons  pour  nous,  et  regarderons  a  nostre  profit.  D'autant  donc  qu'il  y  aura  tousiours  de  telles  tasches  en  nos  oeuvres,  et  qu'elles  pourroyent  estre  toutes  a  condamner,  n'estoit  que  nostre  Dieu  eust  pitie  de  nous,  et  qu'il  nous  supportast  (comme  il  dit  par  son  Prophete,  qu'il  accepte  nos  services  comme  un  pere  fait  ce  que  son  enfant  tasche  de  luy  apporter  pour  luy  complaire,  combien  que  cela  ne  soit  point  parfait,  mesmes  qu'il  ne  vaille  rien,  si  est-ce  que  le  pere  s'en  contente,  non  pas  que  l'oeuvre  le  vaille,  comme  i'ay  dit,  mais  c'est  d'autant  qu'il  aime  son  enfant),  Dieu  declare  qu'il  use  de  sa  pure  bonte,  quand  il  accepte  nos  oeuvres,  non  pas  qu'il  regarde  quelque  dignite  ou  merite,  mais  d'autant  qu'il  nous  aime,  il  les  recoit:  voire  et  les  advoue  comme  iustes,  et  comme  s'il  n'y  avoit  que  redire,  encores  qu'il  y  ait  de  l'imperfection  beaucoup.  Ainsi  tant  s'en  faut  que  ce  passage  soit  pour  aider  en  rien  aux  Papistes,  pour  monstrer  que  les  oeuvres  meritent  quelque  chose  envers  Dieu,  et  que  la  seule  foy  ne  nous  sauve  pas,  que  c'est  plustost  pour  les  confondre.  Car  quand  on  aura  bien  regarde  les  mots  de  sainct  Paul,  ce  passage-ci  conclud  necessairement  qu'il  faut  que  nous  soyons  sauvez  par  la  seule  foy,  d'autant  (comme  nous  avons  dit)  que  Dieu  ne  peut  couronner  en  nous  nulles  oeuvres,  sinon  celles  que  nous  aurons  faites  par  sa  pure  grace.  Et  qu'ainsi  soit,  quand  les  Papistes  parlent  de  leurs  oeuvres  meritoires,  en  premier  lieu  ils  se  font  compagnons  de  Dieu,  et  cuident  cooperer  avec  luy  (comme  ils  usent  de  ce  mot),  c'est  a  dire  qu'ils  apportent  quelque  bon  mouvement,  qu'ils  ont  bon  vouloir:  et  bien,  Dieu  leur  aide  quand  ils  sont  bien  disposez,  il  y  met  la  main  en  partie.  Or  estans  enflez  d'un  tel  orgueil,  on  se  fait  a  croire  qu'il  est  en  l'homme  de  bien  faire.  Et  voila  qui  est  cause  de  les  faire  enyvrer  en  leur  nonchalance,  d'autant  qu'il  leur  semble  qu'ils  auront  tousiours  la  faculte  de  bien  faire  quand  il  leur  plaira:  et  la  dessus  ils  s'abandonnent  a  tout  mal,  en  sorte  qu'ils  sont  pleins  de  toute  immondicite  la  dedans,  qu'ils  sont  transportez  d'affections  execrables,  mesmes  ils  sont  la  ensorcelez,  et  comme  aveuglez,  ils  ferment  les  yeux  a  tout.  Et  puis  ils  sont  enflez  de  leur  Francarbitre,  de  leurs  vertus,  et  de  leurs  merites.