5:343  CATECHISMUS.  Iubebit  (I  Cor.  13,  12).  Contra  reprobi  ac  impii,  qui  sincera  Deum  fide  nec  quaesierint,  nec  coluerint,  quando  nullam  in  Deo  ac  regno  eius  partem  habituri  sunt,  in  mortem  immortalem,  ac  incorruptibilem  corruptionem  cum  diabolis  coniicientur.  Ut  extra  omne  gaudium,  virtutem,  ac  caetera  regni  coelestis  bona,  aeternis  tenebris,  aeternoque  cruciatu  damnati,  verme  immortali  arrodantur,  et  igne  ardeant  inexstinguibili  (Ies.  GO,  24).  QUID  SIT  SPES.  Si  fides,1)  ut  auditum  est,  certa  est  de  veritate  Dei  persuasio,  quod  nec  mentiri  nobis,  nec  fallere,  nec  irrita  esse  queat:  qui  hanc  certitudinem  conceperunt,  [pag.  33]  simul  profecto  exspectant,  fore,  ut  promissiones  suas  Deus  praestet,  quae,  eorum  opinione,  non  nisi  verae  esse  possunt.  Ut  in  summa  nihil  aliud  sit  spes,  quam  eorum  exspectatio,  quae  vere  a  Deo  promissa  fides  credidit.  Ita  fides  Deum  veracem  credit,  spes  exspectat  ut  in  temporis  occasione  veritatem  suam  exhibeat.  Fides  credit,  nobis  esse  patrem:  spes  exspectat,  ut  se  talem  erga  nos  semper  gerat.  Fides  datam  nobis  vitam  aeternam  credit:  spes  exspectat,  ut  aliquando  reveletur;  fides  fundamentum  est,  cui  spes  incumbit:  spes  fidem  alit,  ac  sustinet.  Nam  ut  exspectare  a  Deo  nemo  quidquam  potest,  nisi  qui  prius  eius  promissis  crediderit,  ita  rursus  fidei  nostrae  imbecillitatem,  ne  velut  fessa  concidat,  sustineri  ac  foveri,  patienter  sperando  et  exspectando,  oportet.  DE  ORATIONE.  Homo  vera  fide  probe  institutus,  facile  primum  perspicit,2)  quam  sit  bonorum  omnium  egenus  atque  inanis,  quamque  sibi  omnia  desint  salutis  adiumenta.  Quare,  si  praesidia  quaerit  quibus  inopiae  suae  succurrat,  extra  se  exeat  oportet,  et  aliunde  ea  sibi  comparet.  Rursum  Dominum  sese  ultro  ac  liberaliter  in  Christo  exhibentem  contemplatur,  ac  in  eo  coelestes  omnes  thesauros  aperientem:  ut  dilectum  illum  filium  suum  tota  eius  fides  intueatur,  ab  ipso  tota  eius  exspectatio  pendeat,  in  ipso  tota  spes  eius  haereat  et  acquiescat.  Restat  ergo,  ut  in  ipso  quaerat,  et  ab  ipso  precibus  postulet,  quod  in  ipso  esse  didicit.  Alioqui  scire  Deum,  bonorum  omnium  dominum  ac  largitorem,  qui  nos  ad  se  poscendum  invitet:  ipsum  vero  nec  adire,  nec  [pag.  34]  poscere,  adeo  non  prodesset,  ut  perinde  id  futurum  sit,  ac  si  quis  indicatum  thesaurum,  humi  sepultum  ac  defossum,  negligat  QUID  IN  ORATIONE  SPECTANDUM.  Quum  oratio  cuiusdam  inter  nos  et  Deum  arbitrii  instar  habeat,  quo  vota,  gaudia,  suspiria,  cogi-  1)  Instit,  p.  153.  2)  Ibid.  p.  157  seq.