49:343  343  EPIST.  PAULI  AD  CORINTHIOS  I  344  13.  Quae  et  loquimur  non  eruditis,  ete.  De  se  loquitur.  Nam  versatur  adhuc  in  ministerii  sui  commendatione.  Est  autem  praeclarum  elogium  praedicationis  ipsius,  quod  in  ea  dicit  contineri  arcanam  rerum  maximarum  revelationem,  spiritus  sancti  doctrinam,  summam  salutis  nostrae,  inaestimabiles  Christi  thesauros  :  ut  sciant  Corinthii  quanti  fieri  debeat.  Interea  redit  ad  illam  superiorem  concessionem,  quod  ornata  non  sit  ullo  verborum  fuco,  quod  nulla  elegantia  niteat:  sed  sola  spiritus  sancti  doctrina  contenta  sit  Sermones  eruditos  humanae  sapientiae  vocat  qui  humanam  eruditionem  sapiant  sintque  expoliti  ad  rhetorum  normam,  vel  referti  philosophicis  ampullis,  ita  ut  in  sui  admirationem  rapiant  auditores.  Sermones  autem  doctos  spiritus,  qui  ad  sincerum  simplicemque  stilum  et  maiestate  spiritus  dignum  magis  sint  compositi  quam  ad  vanam  ostentationem.  Nam  ut  suppetat  eloquentia,  cavendum  semper  est  ne  Dei  sapientia  accersito  et  profano  quodam  nitore  polluatur.  In  Paulo  autem  tale  fuit  docendi  genus,  in  quo  sola  nudaque  spiritus  vis  absque  externo  adminiculo  reluceret.  Spiritualibus  spiritualia.  Suyxpiveafrai  hic  pro  aptare  positum  non  dubito.  Quum  enim  haec  interdum  sit  verbi  significatio,  sicut  Budaeus  ex  Aristotele  citat:  unde  et  aoyxpcjJia,  pro  conserto  vel  coagmentato:  longe  certe  melius  quadrat  Pauli  contextui  quam  comparare  vel  conferre,  sicut  alii  reddiderunt.  Dicit  ergo  sese  aptare  spiritualia  spiritualibus,  dum  verba  rei  accommodat:  hoc  est,  coelestem  illam  spiritus  sapientiam  temperat  oratione  simplici,  et  quae  nativam  spiritus  energiam  prae  se  ferat.  Interea  perstringit  alios,  qui  affectata  verborum  elegantia  et  subtilitatis  ostentatione  captant  plausum  hominum:  tanquam  aut  solidae  veritatis  inanes,  aut  qui  spiritualem  Dei  doctrinam  indecoro  fuco  corrumpant.  14.  Animalis  autem  homo  non  comprehendit  quae  sunt  spiritus  Deu  Sunt  enim  Uli  stultitia:  nec  potest  intelligere,  quia  spiritualiter  diiudicantur,  15.  Spiritualis  autem  diiudicat  omnia,  ipse  vero  a  nemine  diiudicatur.  16.  Quis  enim  cognovit  mentem  Domini,  qui  adiuvet  ipsum?  nos  autem  mentem  Christi  habemus.  14.  Animalis  autem  homo.  Hominem  animalem  vocat,  non  ut  vulgo  accipiunt,  crassis  concupiscentiis,  vel  (ut  loquuntur)  sensualitati  suae  addictum:  sed  quemlibet  hominem  solis  naturae  facultatibus  praeditum.  Quod  ex  opposito  liquet:  animalem  enim  cum  spirituali  confert.  Quum  per  hunc  intelligatur  is,  cuius  mens  illuminatione  spiritus  Dei  regitur:  non  dubium  quin  ille  hominem  in  puris  (ut  loquuntur)  naturalibus  relictum  significet.  Anima  enim  naturae  propria  est,  spiritus  vero  ex  dono  est  supernaturali.  Redit  autem  ad  id  quod  prius  atti-