47:343  343  IN  EVANGELIUM  IOANNIS  344  quae  apprehendit  gratuitum  Christi  amorem,  et  bona  conscientia  vitaeque  novitas,  Et  certe  non  reconciliat  Christus  patri  fideles,  ut  impune  lasciviant,  sed  ut  spiritu  ipsos  suo  gubernans  sub  patris  manu  et  imperio  contineat:  unde  sequitur  abiicere  Christi  amorem,  nisi  qui  vera  obedientia  probant  se  eius  esse  discipulos.  Si  quis  obiiciat,  pendere  igitur  a  nobis  salutis  nostrae  firmitatem,  respondeo,  perperam  trahi  in  illam  partem  Christi  verba:  quia  obedientia  quam  illi  praestant  fideles  non  tam  causa  est,  cur  suum  erga  eos  amorem  continuet,  qaam  amoris  effectus.  Unde  enim  fit  ut  vocationi  suae  respondeant,  nisi  quia  spiritu  gratuitae  adoptionis  aguntur?  Sed  videtur  nimis  ardua  conditio  nobis  imponi,  ut  Christi  praecepta  servemus,  quibus  continetur  exacta  iustitiae  perfectio,  quae  modum  nostrum  longe  superat.  Nam  inde  conficitur,  irritum  fore  amorem  Christi  nisi  angelica  puritate  praediti  simus.  Solutio  facilis  est:  nam  quum  de  studio  recte  sancteque  vivendi  #git  Christus,  quod  in  sua  doctrina  praecipuum  est  caput  minime  excludit,  nempe  de  gratuita  iustitiae  imputatione,  qua  fit  ut  per  indulgentiam  veniae  Deo  placeant  nostra  officia,  quae  mutila  per  se  et  impura  reiici  merebantur.  Censentur  itaque  fideles  servare  Christi  praecepta,  quum  huc  suum  studium  applicant,  etiamsi  longe  a  meta  distent:  quia  soluti  sunt  ab  illo  rigore  legis:  Maledictus  omnis  qui  non  impleverit  omnia  ete.  Sicut  et  ego  praecepta.  Sicut  in  Christo  electi  sumus,  ita  in  eo  nobis  ad  vivum  expressa  est  vocationis  nobtrae  effigies.  Itaque  merito  se  hic  exemplar  proponit,  ad  cuius  imitationem  se  pii  omnes  conforment.  In  me,  inquit,  relucet  eorum  similitudo,  quae  a  vobis  postulo:  videtis  enim  ut  vere  patri  meo  addictus  sim  in  obsequium,  atque  in  hoc  cursu  pergam.  Ipse  vicissim  non  me  ad  momentum  aut  breve  tempus  dilexit,  sed  perpetuus  est  eius  amoris  erga  me  tenor.  Haec  conformitas  capitis  et  membrorum  semper  ante  oculos  habenda  est,  non  tantum  ut  se  ad  Christi  exemplum  formare  studeant  fideles,  sed  ut  confidant  spiritu  eius  se  quotidie  in  melius  reformatum  iri,  ut  ad  finem  usque  ambulent  in  novitate  vitae.  l  l  .  Haec  loquutus  sum  vobis.  Subiicit  amorem  suum  minime  ignotum  esse  piis:  sed  fidei  sensu  percipi,  ut  beata  pace  fruantur  conscientiae.  Nam  gaudium  cujus  meminit  ex  pace  illa  nascitur,  quam  habent  cum  Deo  quicunque  gratis  iustificati  sunt.  Quoties  ergo  paternus  erga  nos  praedicatur  Dei  amor,  sciamus  veri  gaudii  materiam  nobis  dari,  ut  tranquillis  conscientiis  de  salute  nostra  certi  simus.  Porro  gaudium  vocatur  Christi  et  nostrum  diverso  respectu.  Christi  est,  quia  nobis  ab  eo  datur:  ipse  enim  et  autor  est  et  causa.  Causam  esse  dico,  quia  exempti  sumus  a  reatu,  dum  correctio  pacis  nostrae  illi  imposita  fait.  Autorem  simul  voco,  quia  spiritu