41:343  343  SERMON  II.  344  du  peuple  des  Iuifs,  quant  il  eut  amene  Daniel  et  une  centeine  d'autres,  qu'il  se  fut  la  ioue  d'eux  qu'il  les  eust  souffletes,  et  eschaffaudes,  et  bien  ces  outrages  la  eussent  desia  este  bien  grans,  car  Dieu  ne  veut  point  qu'on  se  moque  des  siens,  ne  qu'on  leur  face  quelque  outrage,  qu'il  n'en  prenne  vengeance,  mais  Balsazar  a  este  plus  excessif.  Il  ne  se  contente  point  de  faire  iniure  aux  personnes,  mais  il  envoie  querir  les  vaisseaux  du  temple,  et  desgorge  la  ces  villenies,  avec  ses  putains,  et  ses  princes  qui  sont  la,  il  faut  qu'un  chacun  amene  ses  blasphemes.  Voila  donc  le  nom  de  Dieu  qui  est  vilipende  iusques  au  bout.  Or  cependant  comment  est  ce  que  Dieu  y  besogne?  il  fait  que  Balsazar  mesmes  soit  submis  a  la  iurisdiction  de  Daniel,  qui  estoit  un  pauvre  esclave,  II  faut  qu'il  baisse  la  teste,  pour  oir  sentence  de  condemnation  de  luy,  c'est  comme  si  un  prince  alloit  prendre  un  pauvre  berger  des  champs  pour  dire,  que  tu  sois  mon  iuge.  Et  de  fait  quant  Daniel  vient  au  nom  de  Dieu,  ne  prononce  il  point  la  sentence  sur  Balsazar?  Voila  un  grand  Roy  voire  et  si  puissant  qu'il  fait  trembler  tout  le  monde  soubs  luy,  et  Daniel  un  pauvre  captif  luy  vient  la  faire  son  proces,  qu'il  faut  que  Balsazar  se  submette  iusques  la,  de  se  veoir  condamner  par  un,  qui  est  comme  si  on  fust  alle  prendre  un  pauvre  esclave  en  Babilonne,  et  qu'il  fut  la  vendu  comme  un  Asne  ou  un  Boeuf.  Ainsi  donc  Balsazar  vient  prendre  Daniel  combien  qu'il  fut  en  si  pauvre  condicion,  et  faut  qu'il  le  constitue  par  dessus  luy.  Si  Daniel  fut  venu  estant  envoie  de  Dieu,  la  chose  n'eust  point  eu  encores  telle  autorite,  mais  quand  Balsazar  l'envoye  querir  il  luy  demande,  Annonce  moy  quelle  est  cette  escriture,  quelle  condemnation  il  y  ha  ici  sur  ma  personne,  et  sur  corps,  et  sur  ame,  ne  faut  il  pas  bien  dire  que  Dieu  le  pousse  a  cela,  quant  il  se  submet  a  ce  qu'il  soit  conneu  le  plus  malheureux  de  tout  le  monde,  et  qu'il  soit  en  ignominie  a  un  chacun.  Ainsi  donc  notons  bien  que  Dieu  a  voulu  et  dispose  que  le  Roy  envoyat  ainsi  querir  Daniel,  et  que  Balsazar  fut  assubiecti  a  ce  que  seroit  prononce  par  luy,  Afin  qu'on  conneut  que  la  vraie  religion  estoit  celle  qu'on  tenoit  en  Iudee,  desia  on  en  avoit  eu  approbation  suffisante  en  Babilonne,  mais  leur  ingratitude  avoit  efface  la  memoire  de  ce  qu'en  avoit  este  fait,  il  faut  donc  que  Dieu  de  rechef  leur  remonstre,  et  qu'il  leur  declare  quelle  est  sa  maieste,  et  qu'ils  l'apercoivent  en  la  personne  de  Daniel.  Voila  ce  que  nous  avons  a  noter  sur  ce  passage,  duquel  il  nous  faut  recueillir  une  doctrine  commune  qui  nous  servira  a  tous,  c'est  que  quant  les  meschans  auront  bien  fuy  la  parolle  de  Dieu,  et  qu'ils  s'en  seront  exemptes,  qu'en  la  fin  si  faudra  il  qu'ils  viennent  a  iube,  et  que  ceste  parolle  leur  soit  comme  un  sceptre  d'un  Roy,  qu'elle  leur  soit  comme  une  sen-  i