54:342  mettent  en  avant  leur  Franc-arbitre  :  car  puis  qu'ils  ne  peuvent  avoir  une  seule  bonne  pensee,  comment  auront-ils  l'execution?  comment  auront-ils  la  constance  de  persister  en  la  verite  de  Dieu,  et  de  surmonter  tout  ce  que  le  diable  machinera  au  contraire?  Et  s'ils  ne  peuvent  avoir  une  pensee  d'une  minute  de  temps,  comment  continueront-ils  toute  leur  vie?  Ainsi  doncques  notons  bien  quand  sainct  Paul  dit  ici  que  la  couronne  de  iustice  luy  est  apprestee:  il  n'allegue  point  les  provesses  qu'il  ait  faites,  comme  s'il  avoit  cela  de  son  propre:  mais  la  iustice  de  laquelle  il  parle,  estoit  ce  qu'il  avoit  receu  de  la  grace  de  Dieu.  Et  c'est  suyvant  de  qu'il  dit  en  un  autre  passage,  Qu'as-tu  (dit-il)  que  tu  n'ayes  receu?  Si  tu  l'as  receu,  tu  le  dois:  et  puis  que  tu  le  dois,  pourquoy  t'en  glorifies-tu  ?  Voila  sainct  Paul  qui  en  un  mot  abbat  bien  toute  la  hautesse  des  hommes  quand  ils  se  voudront  rien  attribuer.  Tu  n'as  rien  (dit-il)  sinon  ce  qui  t'est  donne:  tu  es  done  sacrilege  quand  tu  te  veux  faire  valoir:  car  tu  usurpes  ce  que  Dieu  te  donne,  voire  ce  qu'il  te  donne  a  telle  condition,  qu'il  demeure  tousiours  en  son  entier,  c'est  a  dire,  qu'il  ait  U  louange  qui  luy  appartient.  Car  autrement  que  sera-ce,  sinon  que  tu  es  un  brigand,  et  que  l'honneur  de  ton  Dieu  est  en  proye?  Voila  pour  un  item.  Et  au  reste,  les  Papistes  mesmes  doyvent  bien  noter  ce  qu'a  dit  l'un  de  ceux  qu'ils  appellent  leurs  Docteurs:  Comment  Dieu  rendroit-ii  la  couronne  comme  iuste  iuge,  s'il  n'eust  premier  donne  la  grace  comme  Pere  misericordieux?  Et  comment  y  auroitil  iustice  en  nous,  sinon  que  la  grace  eust  precede,  laquelle  nous  iustifie?  Et  comment  ceste  couronne  seroit-elle  rendue  comme  deue,  sinon  que  tout  ce  que  nous  avons,  nous  eust  este  donne  sans  estre  deu?  Voila  les  mots  de  sainct  Augustin.  Et  quand  les  Papistes  ne  se  veulent  tenir  a  l'Escriture  saincte,  c'est  pour  le  moins  qu'ils  ne  fussent  pas  si  vileins  de  renoncer  a  ce  qu'ils  font  semblant  de  tenir.  Mais  encores  n'est-ce  pas  tout  que  cela  :  il  est  vray  que  c'est  une  doctrine  qui  merite  bien  d'estre  receue,  que  Dieu  ne  peut  estre  iuste  Iuge  pour  nous  sauver,  qu'il  ne  se  soit  declare  Pere  misericordieux  auparavant  et  en  premier  degre,  qu'il  n'y  aura  nulle  iustice  en  nous,  sinon  celle  qu'il  y  aura  mise:  et  qu'il  ne  nous  peut  recompenser  sinon  en  couronnant  ses  dons.  Mais  il  y  a  aussi  bien,  qu'encores  que  Dieu  nous  ait  fait  grace  de  le  servir,  que  nous  ayons  mis  peiue,  et  nous  soyons  employez  da  faire  selon  nostre  mesure  tout  ce  qui  nous  sera  possible,  qu'encores  n'aurons-nous  point  si  bien  fait,  qu'en  tout  et  par  tout  Dieu  nous  accepte:  mesme��  il  trouvera  bien  a  redire  en  toutes  les  meilleures  oeuvres  que  nous  aurons  faites,  que  la  plus  grande  vertu  qu'on  scauroit  choisir  en  nous,  sera  vicieuse.  UI  U2