5:342  Credo  remissionem  peccatorum.  Quo  fundamento  consistit  suffultaque  est  nostra  salus.  Quandol)  peccatorum  remissio  via  est,  [pag.  31]  qua  ad  Deum  accedatur,  ratio  quae  nos  in  eius  regno  retinet  ac  tuetur.  Siquidem  peccatorum  remissione  continetur  omnis  fidelium  iustitia:  quam  consequuntur  non  ullo  suo  merito,  sed  una  Domini  misericordia  ,  dum  peccatorum  suorum  conscientia  oppressi,  afflicti,  et  confusi,  divini  iudicii  sensu  consternantur,  sibique  ipsis  displicent,  et  velut  sub  gravi  pondere  gemunt  ac  laborant,  hocque  peccati  odio  ac  confusione  carnem  suam,  ac  quidquid  ex  se  est  mortificant  Caeterum  ut  gratuitam  peccatorum  remissionem  nobis  Christus  compararet,  eam  sanguinis  sui  pretio  ipse  redemit,  in  quo  universam  eorum  emundationem  ac  satisfactionem  quaerere  debemus.  Docemur  ergo  credere,  divina  liberalitate,  intercedente  Christi  merito,  peccatorum  remissionem  ac  gratiam  nobis  fieri,  qui  in  ecclesiae  corpus  asciti  et  inserti  sumus.  Nullam  vero  peccatorum  remissionem  aut  aliunde,  aut  ulla  alia  ratione,  aut  aliis  dari.  Quando  extra  hanc  ecclesiam  et  sanctorum  communionem  nulla  est  salus.  Credo  carnis  resurrectionem,  vitam  aeternam.  Ubi  primum  de  futurae  resurrectionis  exspectatione  docemur:  futurum  scilicet,  ut  qui  ante  extremum  iudicii  diem  morte  absumpti  fuerint,  eorum  carnem  Dominus  eadem,  qua  filium  a  mortuis  excitavit,  potentia,  a  pulvere  et  corruptione  in  novam  vitam  revocet.  Nam  qui  tum  superstites  deprehendentur,  subita  magis  imputatione,  [pag.  32]  quam  naturali  mortis  forma  in  novam  vitam  transibunt  (1  Cor.  15,  51).  Porro  quoniam  piorum  simul  et  impiorum  communis  erit  resurrectio,  sed  dispari  conditione:  additur  particula,  quae  inter  nostram  illorumque  sortem  discernat  :  nempe  sic  habituram  nostram  resurrectionem,  ut  tum  nos  Dominus  ex  corruptione  in  incorruptionem,  ex  mortalitate  in  immortalitatem  suscitabit,  corporeque  et  anima  glorificatos  in  beatitudinem  recipiat,  sine  fine  perstaturam,  extra  omnem  mutationis  aut  corruptionis  sortem.  Quae  vera  erit  solidaque  in  vitam,  lucem,  iustitiam  perfectio,  quum  inseparabiliter  Domino  adhaerebimus,  qui  eorum,  velut  fons  inexhaustus,  plenitudinem  in  se  continet.  Illa2)  vero  beatitudo,  regnum  erit  Dei,  omni  claritate,  gaudio,  virtute,  felicitate  refertum:  rebus  ab  hominum  sensu  nunc  remotissimis,  et  quas  non  nisi  per  speculum  et  in  aenigmate  nunc  intuemur:  donec  venerit  dies  ille,  quo  nobis  suam  gloriam  Dominus  facie  ad  faciem  conspiciendam  ex-  1)  Instit  p.  149  seq,  2)  Ibid.  p.  151  seq.  22*