41:342  leur  condemnation  comme  il  fut  hier  declare.  A  la  fin  il  est  dit  que  apres  que  les  magiciens  et  les  sages  de  Babilonne,  n'ont  peu  lire  Fescripture  qui  estoit  en  la  paroy,  Et  n'ont  peu  donner  l'interpretation  d'icelle,  que  la  Royne  est  venue  la,  et  a  dit  au  Roy  qu'il  y  avoit  un  homme  en  son  pais,  qui  du  temps  de  son  pere  Nabuchodonozor  avoit  declare  les  visions  et  revele  les  songes,  et  pourtant  que  le  Roy  ne  se  fachat  point,  et  qu'il  mandat  querir  cest  homme  qui  estoit  nomme  Daniel,  et  qu'il  luy  reveleroit  le  secret  de  ceste  escripture.  Daniel  sur  cela  est  mande,  le  Roy  lay  promet  merveilles  s'il  scait  donner  l'interpretation  de  Tescripture:  Daniel  estant  certain  et  asseure,  que  Dieu  luy  a  donne  intelligence,  et  que  l'Esprit  de  Dieu  est  en  luy,  promet  de  la  donner,  voila  ce  qui  est  ici  recite  en  somme.  Et  quant  au  premier  nous  voions  encores  comme  Dieu  a  voulu  confondre  cest  orgueil  de  Babilonne,  car  les  Chaldeens  estoient  prises  par  dessus  toutes  autres  nations  quant  aux  sciences  du  monde,  qu'il  leur  sembloit  que  les  autres  peuples  n'estoient  sinon  bestes  au  pris  d'eux,  toute  la  sagesse  du  monde  estoit  en  leur  pais,  car  de  fait  Dieu  s'estoit  manifeste  a  eux  plus  qu'aux  autres  nations,  voire  quant  aux  sciences  humaines,  mais  ce  pendant  ils  abusent  tellement  de  cela,  qu'ils  s'arrestent  du  tout  a  l'ordre  du  Ciel,  et  en  delaissant  Dieu,  ils  attribuent  le  tout  au  Soleil  et  a  la  Lune,  et  aux  autres  estoiles,  voire  et  y  sont  tellement  abrutis  qu'ils  ne  connoissent  plus  de  Dieu,  mais  ils  prennent  comme  une  paincture  au  lieu  de  luy,  quand  ils  ont  leurs  recours  aux  creatures  que  Dieu  avoit  formees.  Voila  donc  que  c'estoit  des  Chaldeens,  des  sages  et  des  magiciens  de  Babilonne.  Or  ii  a  fallu  que  cette  sagesse  fut  confuse  comme  elle  avoit  este  du  temps  de  Nabuchodonozor,  Mais  ce  pendant  ils  rentrent  en  credit,  pource  que  ie  monde  est  tousiours  subiet  a  cela,  de  se  tromper  de  soy  mesme:  Que  combien  qu'on  ait  remonstre  aux  hommes  leur  folie,  et  qu'ils  se  sont  trompes  et  deceus,  si  est  ce  qu'ils  trouveront  tousiours  quelque  moien  de  se  reculer  du  droit  chemin,  et  de  reieter  la  vraie  doctrine  pour  adherer  aux  trompeurs  et  mensongiers:  car  le  monde  ne  demande  pas  autre  chose  que  d'avoir  ses  semblables.  Il  ha  donc  fallu  que  Dieu  fait  une  telle  punicion  sur  toute  la  sagesse  de  Chaldee.  Et  cc  pendant  aussi  il  a  voulu  magnifier  son  nom,  qui  avoit  este  mis  en  opprobre  envers  eux.  Car  quand  Daniel  a  este  mis  en  avant,  c'est  autant  comme  si  Dieu  disoit  a  Balsazar,  Or  ca  tu  as  prophane  les  vaisseaus  de  mon  temple,  tu  t'es  moque  de  moy,  et  de  mon  peuple,  tu  t'en  es  gabe  avec  tes  princes  et  concubines  en  tes  banquets  et  dissolutions,  mais  tu  auras  un  esclave  pour  ton  iuge.  Voila  donc  Dieu  qui  tourne  bien  la  chance  (comme  on  dit).  Balsazar  ne  s'estoit  point  eontante  de  se  moquer  22*