9:341  341  AD  FRATRES  POLONOS.  342  deret.  Atque  ita  discutitur  futilis  argutia  qua  nebulas  aspergere  voluit  Stancarus,  dum  iactat  non  esse  consentaneum  ut  filius  Dei  secundum  divinitatem  sit  mediator,  quia  apud  se  intercederet.  Etsi  enim  eadem  est  in  spiritu  sancto  quae  in  patre  divinitas,  non  tamen  apud  ipsum  intercedere  dicitur  Christus,  sed  apud  patrem  solum:  quia  hic  respicienda  nobis  est  divini  consilii  oeconomia,  non  autem  fraenum  speculationibus  nostris  laxandum.  Hac  ratione  dicitur  Christus  spiritum  missurus  a  patre  suo  (Ioann.  16,  7),  ut  per  gradus  ad  patrem  nos  attollat.  Denique  hac  ratione  tradet  ultimo  die  filius  regnum  Deo  et  patri  (1  Cor.  15,  28):  quia  tunc  immediate,  ut  ita  loquar,  conspicuus  nobis  erit  gloriae  Dei  et  patris  fulgor,  qui  nunc  in  Christo,  viva  sua  imagine,  apparet.  Utinam  his  moveatur  Stancarus  :  quod  tunc  demum  fore  sperandum  est,  ubi  ingenium,  quod  sua  vanitate  nimis  in  sublime  elatum  est,  ad  mansuetudinem  et  modestiam  se  flexerit.  Vobis  quidem,  integerrimi  fratres,  satisfactum  esse  confidimus.  Dominus