5:311  CATECHISMUS.  turis  tribuitur.  Nam  Christus  per  spiritus  sui  virtutem  quidquid  usquam  est  boni  operatur.  Per  ')  eam  agit,  sustinet,  vegetat,  vivificat  omnia:  per  eam  nos  iustificat,  sanctificat,  expurgat,  ad  sese  vocat  ac  trahit,  ut  salutem  consequamur.  Itaque  spiritus  sanctus,  dum  in  nobis  ad  hunc  modum  habitat,  is  est  qui  nobis  suo  lumine  illucet,  quo  discamus  et  plane  agnoscamus,  quam  ingentem  divinae  bonitatis  opulentiam  in  Christo  possideamus.  Corda  nostra  incendit  ardore  car  it  at  is,  tum  Dei,  tum  proximi,  magisque  in  dies  excoquit  et  exurit  concupiscentiae  nostrae  vitia,  ut,  si  qua  sunt  in  nobis  bona  opera,  fructus  sint  gratiae  ipsius  ac  virtutis.  Nostrae  vero  sine  ipso  dotes,  mentis  sunt  tenebrae,  cordisque  perversitas.  Credo  sanctam  ecclesiam  catholicam,  sanctorum  communionem.  Fontem  unde  ecclesia  scaturit,  iam  inspeximus:  quae  nobis  hoc  loco  credenda  proponitur  in  hunc  finem,  ut  confidamus  universum  electorum  numerum,  per  fidei  vinculum  in  unam  coire  ecclesiam2)  ac  societatem,  unumque  Dei  populum,  cuius  [pag.  30]  Christus  dominus  noster  dux  sit  et  princeps,  ac  tanquam  unius  corporis  caput:  prout  in  ipso,  ante  mundi  constitutionem,  sunt  electi,  ut  in  Dei  regnum  omnes  aggregarentur.  Haec  autem  societas  catholica  est,  id  est  universalis,  quia  non  duas  aut  tres  invenire  liceat:  Verum  electi  Dei  sic  omnes  in  Christo  uniuntur  et  coadunantur,  ut  quemadmodum  ab  uno  capite  pendent,  ita  in  unum  velut  corpus  coalescant,  ea  inter  se  compositione  cohaerentes,  qua  eiusdem  corporis  membra,  vere  unum  facti,  qui  una  fide,  spe,  caritate,  eodem  Dei  spiritu  simul  vivunt,  in  eandem  vitae  aeternae  haereditatem  vocati.  Sancta  etiam  est:  quia  quotquot  aeterna  Dei  providentia  electi  sunt,  ut  in  ecclesiae  numerum  cooptarentur,  spirituali  regeneratione  omnes  a  Domino  sanctificantur.  Posterior  particula  qualis  ipsa  sit,  clarius  adhuc  interpretatur.  Nempe  tantum  valere  fidelium  communionem,  ut  quidquid")  donorum  Dei  uni  obtigit,  eius  omnes  fiant  quodammodo  participes:  tametsi  Dei  dispensatione  id  uni  sit  peculiariter  datum,  non  aliis.  Quemadmodum  unius  corporis  membra  quadam  communitate  inter  se  participant:  sunt  nihilominus  suae  singulis  peculiares  dotes,  distinctaque  ministeria.  Nam,  ut  dictum  est,  in  unum  collecti  ac  compacti  sunt  corpus.  Ea  autem  lege  sanctam  esse  ecclesiam,  eiusque  communionem  credimus,  ut  solida  in  Christum  fide  freti,  eius  nos  quoque  confidamus  esse  membra.  1)  Instit,  p.  136.  2)  Ibid.  p.  137  seq.  3)  Ibid.  p.  148.