49:341  341  CAPUT  IL  342  hoc  ademit  ne  possit  ad  Deum  proprio  marte  conscendere:  nunc  ostendit  qualiter  ab  hac  caecitate  eximantur  fideles:  nempe  quia  Dominus  peculiari  spiritus  illuminatione  ipsos  dignatur.  Itaque  quo  est  humana  mens  hebetior  ad  intelligenda  Dei  mysteria,  quo  maior  est  eius  incertitudo,  eo  certior  est  fides  nostra,  quae  spiritus  Dei  revelatione  suffulta  est.  Atque  in  eo  agnoscimus  immensam  Dei  bonitatem,  qui  vitio  nostro  in  bonum  nostrum  utitur.  Spiritus  enim  omnia  scrutatur.  Hoc  ad  piorum  consolationem  additum  est:  quo  tutius  in  revelatione,  quam  habent  a  Dei  spiritu,  acquiescant.  Ac  si  diceret:  Sufficiat  nobis  spiritum  Dei  habere  testem  :  nihil  enim  tam  profundum  est  in  Deo,  quo  non  penetret.  Nam  id  significat  hic  scrutari.  Profunditates  intellige  non  arcana  iudicia,  quorum  prohibetur  nobis  inquisitio,  sed  totam  salutis  doctrinam,  quae  frustra  scripturis  esset  prodita,  nisi  mentes  nostras  Deus  ad  eam  suo  spiritu  attolleret.  11.  Quis  enim  hominum  novit.  Duo  hic  simul  docere  vult:  non  aliter  posse  comprehendi  evangelii  doctrinam  quam  spiritus  sancti  testimonio:  rursus  eorum,  qui  a  spiritu  sancto  tale  testimonium  habent,  non  minus  firmam  ac  solidam  esse  certitudinem  quam  si  manibus  palparent  quod  credunt:  quia  spiritus  fidus  est  ac  indubius  testis.  Hoc  probat  similitudine  spiritus  nostri:  quisque  enim  suarum  cogitationum  conscius  est.  Quid  autem  in  corde  cuiusque  lateat,  alter  nescit.  Ita  quale  sit  consilium  Dei,  et  qualis  voluntas,  universos  homines  latet.  Quis  enim  eius  consiliarius  fuit?  Est  ergo  adytum  hominibus  inaccessum  :  verum  si  ipse  Dei  spiritus  nos  illuc  introducat,  hoc  est,  eorum,  quae  alioqui  a  sensu  nostro  abscondita  sunt,  reddat  certiores:  nullus  amplius  haesitationi  erit  locus.  Neque  enim  spiritum  Dei  fugit  quid  in  ipso  sit.  Caeterum  videtur  non  admodum  bene  convenire  haec  similitudo.  Nam  quum  lingua  sit  character  mentis,  communicant  inter  se  homines  suos  affectus:  ut  alii  alios  suarum  cogitationum  habeant  conscios.  Cur  non  ergo  ex  Dei  verbo  comprehendamus,  quae  sit  eius  voluntas?  Nam  quod  homines  simulando  et  mentiendo,  saepe  magis  tegunt  suas  cogitationes  quam  aperiant:  id  in  Deum  non  cadit:  cuius  sermo  certa  est  veritas,  et  germana  eius  vivaque  imago.  At  expendere  convenit  quousque  extendere  voluerit  Paulus  hanc  similitudinem.  Interior  hominis  cogitatio,  quam  alii  ignorant,  illi  uni  est  perspecta.  Eam  postea  si  aliis  patefacit,  id  non  facit  quominus  solus  eius  spiritus  noverit  quid  in  ipso  sit.  Nam  fieri  poterit  ut  non  persuadeat:  fieri  etiam  poterit  ut  non  bene  exprimat  sensum  suum.  Quod  si  utrumque  assequatur,  id  tamen  cum  altero  nihil  pugnat:  hoc  est,  quominus  spiritus  eius  unicus  sit  verus  cognitor.  Hoc  autem  discriminis  inter  Dei  et  hominum  cogitationes  interest,  quod  homines