41:341  341  SUR  LE  V.  CHAP.  DE  DANIEL.  342  de  tels  iugemens  qu'avoit  porte  son  pere.  Voila  Daniel  qui  annonce  a  Nabugodonozor  qu'il  sera  nourri  avec  les  bestes  des  champs.  Balsazar  son  fils  regarde,  et  comment,  voici  un  Prophete  qui  ha  annonce  a  mon  pere  qu'il  devoit  estre  reiette  de  la  compagnie  des  hommes  pour  demourer  la  avec  les  bestes,  s'il  vient  a  moy,  il  m'en  pourra  dire  autant,  il  vaut  donc  mieux  que  ie  me  donne  du  bon  temps,  et  qu'il  ne  me  vienne  point  faire  ceste  vergogne,  il  est  donc  vray  semblable  que  les  successeurs  de  Nabugodonozor  n'ont  pas  voulu  ouir  un  tel  Prophete  comme  Daniel  qui  leur  declarast  les  choses  secretes,  et  pourquoy?  Nous  voions  que  les  plus  petis  voudront  qu'on  les  flatte,  qu'il  leur  semble  qu'on  leur  fait  grand  tort  quand  on  leur  denonce  le  iugement  de  Dieu.  Et  le  monde  a  este  tousiours  si  pervers  qu'il  voudroit  que  la  parole  de  Dieu  fut  esteincte  du  tout.  Davantage  les  meschans  imputeront  a  cette  parole  tout  le  mal  qu'ils  endureront  en  ce  monde,  comme  nous  voions  qu'il  en  est  parle  en  Michee.  Et  comment  tu  nous  fais  venir  ici  la  ��hairte,  depuis  que  tu  nous  viens  ici  prescher  nous  n'avons  eu  ni  moissons  ni  vendanges.  Ils  reprochent  cela  aux  Prophetes  de  Dieu,  et  leur  semble  que  quant  Dieu  envoie  telles  punitions  que  ia  doctrine  en  est  cause.  Et  bien,  dit  Michee,  que  vous  aies  des  prescheurs  de  bled  et  de  vin,  c'est  a,  dire,  qu'ils  vous  flattent,  car  voila  ce  qu'il  vous  faut,  mais  ce  pendant  vos  peches,  que  deviendront  ils?  car  penses  vous  que  ie  sois  envoye  pour  vous  nuire,  que  la  parole  de  Dieu  soit  mauvaise  pour  vous  apporter  quelque  dommage,  mais  le  malheur  qui  est  sur  vos  testes  est  vostre  iniquite  propre:  il  falloit  donc  remedier  a  ce  poinct  la,  et  puis  vous  eussies  conneu  combien  la  parolle  de  Dieu  vous  eust  profite.  Ainsi  donc  le  monde  cuidera  tousiours  que  la  parolle  de  Dieu  soit  cause  de  tout  malheur,  et  ne  regarde  point  qu'il  porte  le  malheur  en  soy  mesme,  et  ne  s'en  faut  point  ebahir,  car  il  est  semblable  aux  meschans,  ils  voudroient  bien  que  toute  doctrine  fut  abolie,  et  que  .  iamais  on  ne  parlat  du  nom  de  Dieu.  Voila  donc  quelle  est  la  raison  pourquoy  Daniel  a  este  reiette  de  la  court  du  Roy  de  Babilonne,  et  qu'on  s'est  plustost  adresse  a  ses  devins  et  enchanteurs  qu'a  luy:  Car  leur  mestier  estoit  de  dire  a  chacun  la  bonne  aventure  et  de  chatouiller  les  aureilles  aux  princes,  de  leur  dire  choses  plaisantes.  Voila  ceux  qui  estoient  demandes  par  les  plus  grands,  et  estoient  les  bien  venus,  car  ils  ne  vouloient  point  que  Dieu  se  monstrat  iuge  envers  eux,  quoy  qu'on  leur  eust  sceu  dire,  et  leur  sembloit  qu'ils  avoient  beaucoup  gaigne,  quand  ils  avoyent  eu  quelque  relache  et  qu'on  leur  avoit  alonge  leur  bride  (comme  on  dit).  Mais  ont  ils  fait  cela?  il  faut  en  la  fin  qu'ils  en  soient  tant  plus  serres,  ils  n'ont  fait  qu'engraver