32:341  341  PSALMUS  CXXXII.  342  instar  pueris  est  eam  formare  ut  similis  sit.  Deinde  ostenditur  qua  in  re,  nempe  ut  quiesceret  in  silentio.  Est  enim  TlDDIT  verbum  quadratum  a  pY\,  quod  transitive  accipitur  pro  cogere  ad  silentium.  Porro  istud  quiescere  fervidis  studiis  opponitur,  quibus  se  multi  et  totum  mundum  tumultuose  perturbant.  Infantis  pueri  similitudo  alibi  in  vitio  ponitur.  Nam  quum  dicitur  Iesaiae  28,  9:  Quem  docebo  scientiam?  abductos  a  lacte?  avulsos  ab  uberibus?  propheta  odiose  populi  tarditatem  perstringit,  ac  si  nihilo  esset  ad  discendum  magis  idoneus,  quam  pueri  nondum  bimuli.  Sed  eadem  ratione  hic  laudatur  simplicitas  qua  dicit  Christus,  Matth.  18,  3:  Nisi  sitis  puero  huic  similes,  non  poteritis  ingredi  in  regnum  Dei.  Inde  autem  insanae  cupiditates,  quod  homines  ultra  quam  par  sit,  sapere  et  providi  esse  appetunt.  Ideo  addit  David,  anima  mea  super  me  quievit:  non  quod  propriis  viribus  niteretur,  sed  quia  animum  nullis  cupiditatibus  agitatum  placide  et  suaviter  in  sinu  fovebat.  Notatur  enim  antithesis  inter  vagos  et  erraticos,  imo  violentos  eorum  motus,  qui  sorte  sua  non  contenti  sese  temere  proiiciunt,  et  piorum  modestiam  qui  in  Dei  vocatione  tranquilli  resident.  Iam  ex  conclusione  patet  quorsum  asserat  David,  nihil  se  carnis  impulsu  fuisse  aggressum.  Iubet  Israelem  sperare  in  Deo.  Certe  abrupta  esset  oratio,  nisi  quia  ad  communem  ecclesiae  salutem  magnopere  interfuit,  ipsum  divinitus  in  solio  regni  locatum  esse  :  quia  hoc  modo  de  promissa  benedictione  certi  erant  fideles.  Atque  haec  certe  optima  sperandi  ratio,  ubi  sobrie  et  humiliter  de  nobis  sentientes,  nihil  nisi  de  autore  et  approbatore  cupimus  vel  audemus.  PSALMUS  CXXXII.  ARG.  Propheta,  quisquis  sit  Psalmi  autor,  Deum  in  persona  fidelium  de  sua  promissione  appellat,  ne  regnum  vel  templum  intercidere  unquam  sinat,  sed  utrumque  stabiliat  ac  tueatur.  Canticum  graduum.  1.  Memento  Iehova  Davidis  cum  omni  afflictione  eius:  2.  Qui  iuravit  Iehovae,  vovit  forti  Iacob:  3.  Si  introiero  in  tabernaculum  domus  meae,  si  adscendero  super  stratum  lecti  me%  4.  Si  dedero  somnum  oculis  meis,  palpebris  meis  dormitationem:  5.  Donec  invenero  locum  Iehovae,  habitacula  forti  Iacob.  1.  (Memento  Iehova.)  De  autore  Psalmi  interpretes  non  consentiunt:  etsi  minime  dubium  est  vel  Davidem  vel  Solomonem  esse.  Nam  in  solenni  dedicatione  templi,  quum  Solomo  preces  conciperet,