20:341  341  1564  IUL.  342  missus,  ascendit  in  coelum,  captivum  secum  duxit  captivitatem,  dedit  et  dat  dona  hominibus,  qui  venturus  est  iudicare  vivos  et  mortuos,  ita  quemadmodum  discessit,  qui  est  benedictus  Deus  in  secula,  sed  tamen  non  idem  qui  pater,  identitate  scilicet  numeri,  individui  aut  personae:  sed  unigenitus  filius  Dei,  qui  et  loyoc  in  principio  apud  Deum  fuit,  et  quidem  fuit  non  apud  se  ipsum,  sed  apud  Deum,  in  sinu  patris,  ex  quo  nobis  revelavit  omnia,  ex  quo  etiam  missus  est  languores  nostros  portare,  suscitare  mortuos  et  sanguine  suo  ecclesiam  Deo  patri  acquirere  etc.  Quum  his  enim  et  similibus  circumscriptionibus  tanquam  certissimis  notis  atque  epithetis,  rectissime,  iustissime,  et  necessario  Dei  filio,  domino  nostro  Iesu  Christo,  Dei  appellatio  in  scripturis  tribuitur,  sed  absolute  soli  tantum  patri,  cum  particula  seu  articulo  unus.  Idque  propterea,  ut  ambiguitas  omnis  in  scriptura  tollatur,  ac  potissimum  Sabelliana  confusio,  quae  mentes  hominum  occupasse  magnopere  videtur,  adeo  ut  non  intelligant  in  invocationibus  et  orationibus  suis,  quem  Deum  invocent,  et  per  quem,  aut  in  nomine  cuius  sacrificia  laudis  oris  sui  prosternant,  suntque  adeo  multi,  qui  quum  vel  gratias  domino  Deo  agunt  vel  orationem  dominicam,  Pater  noster,  qui  es  in  coelis,  recitant,  ad  totam  trinitatem,  id  est,  ad  confusum  Deum  Sabellii  mentem  dirigant,  et  multa  sunt  eius  generis  errata  atque  portenta.  Nam  dato  uno  absurdo,  infinita  sequi  solent,  et  error  errorem  trahere.  Ideo  hanc  distinctionem  praedictam  diligentissime  observandam  esse  docent,  quod  scilicet  hae  et  eius  generis  descriptiones  circumstantiaeque  ostendant,  declarent,  coarctent  et  restringant  scripturam,  ad  quem  referri  debeat,  et  de  quo  Deo  loquantur  prophetae,  an  scilicet  de  ingenito  patre,  an  de  genito  filio:  an  de  eo  qui  est  loyoc  ab  aeterno,  an  de  eo  apud  quem  fuit  verbum  in  principio,  hoc  est  an  de  mediatore  domino  nostro  Iesu  Christo,  an  de  eo  ad  quem  ipse  et  inter  quae  idem  ipse  mediator  est.  Quemadmodum  secundum  sententiam  omnium  doctorum,  ac  potissimum  Hilarii,  Christus  semper  ab  aeterno  fuit,  et  est  mediator,  etiam  creandarum  rerum  omnium.  Omnia  enim  per  ipsum  facta  sunt,  et  sine  ipso  factum  est  nihil,  quod  factum  est:  facta  silicet  per  ipsum  omnia,  volente  et  tanquam  iubente  patre,  filio  vero  voluntatem  patris  exequente.4)  Pro  quinto.  Si  ad  praedictam  argumentationem  contra  sententiam  domini  doctoris  Idsmanini  institutam  responderetur,  filium  Dei  esse  filium  personae  paternae,  hoc  est,  in  quantum  ipse  pater  alius  est  persona,  a  filio,  eatenus  est  illi  pater  et  Deus.  Respondent  isti  itidem  relabi  doctrinam  certam  in  verbo  Doi  fundatam,  in  multo  incertas  interpretast)  Hilar,  h  IV.  de  trin.