9:340  manifestatus,  et  id  de  tota  persona  praedicari.  Atqui  haec  mutuo  inter  se  coniungit  propheta  (PsaL  110,  1),  Dominum  et  regem  esse  creatum  qui  sedeat  in  dextra  patris,  et  sacerdotem  ecclesiae  praefectum.  Nec  etiam  omittere  in  hac  causa  fas  est  illud  Petri,  Christi  spiritu  loquutos  olim  esse  sanctos  prophetas  (i  Petr.  1,  10),  [pag.  1O51  quia  illic  non  tantum  de  verbo  aeterno  agitur,  sed  de  mediatoris  officio:  qui  si  nondum  indutus  carne  prophetas  suo  spiritu  gubernavit,  sequitur  in  hac  eadem  persona  divinitatem  comprehendi.  Vere  etiam  dicitur  omnes,  quibus  ad  reconciliandum  nobis  Deum  functus  est,  actiones  ad  totam  personam  spectasse,  ut  non  debeant  separatim  ad  unam  tantum  naturam  restringi.  Quanquam  ne  cavillis  obnoxia  sit  haec  sententia,  utilis  erit  distinctio:  quasdam  actiones  per  se  naturam  unam  respicere,  quae  tamen  propter  consequentem  effectum  ambarum  sunt  communes.  Nam  mori,  quamvis  naturae  humanae  peculiare  sit,  si  tamen  consideramus  quid  illud  apostoli  velit:  Sanguine  Christi  purgari  nostras  conscientias,  quia  se  per  spiritum  obtulit  (Hebr.  9,  14):  in  morte  ipsa  non  separabimus  naturas:  quia  expiatio  a  solo  homine  praestari  non  potuit,  nisi  coniuncta  esset  vis  divina.  Quod  si  iure  et  apte  colligit  apostolus,  Christum  esse  mediatorem  novi  testamenti,  quia  se  obtulit  per  spiritum,  sequitur  mortem  eius  ideo  expiatoriam  fuisse  quatenus  unigenitus  Dei  filius  erat,  et  humano  generi  datus  redemptor.  Ita  nihil  impediet,  quominus  salva  cuique  naturae  maneat  sua  proprietas,  nec  earum  communicatio  cum  distinctione  pugnabit.  Absurdum  vero,  quo  hanc  doctrinam  gravare  nititur  Stancarus,  nullum  est:  Christum  scilicet  patre  fore  minorem,  si  secundum,  divinitatem  apud  eum  intercedat:  quia  non  dubitat  Christus  ipse  quoties  mediatoris  personam  sustinet,  patri  se  subiicere:  non  quod  divinitas  eius  gradum  suum  amiserit,  dum  carne  fuit  vestita:  sed  quia  se  aliter  medium  inter  nos  et  patrem  interponere  non  potuit,  quin  dispensationis  ordine  supra  ipsam  mediatoris  personam  emineret  patris  gloria,  [pag.  106]  Nec  vero  quod  pronunciat  Christus  se  patre  minorem  esse  (Ioann.  14,  28),  sic  de  humanitate  intelligitur,  quin  ad  totam  personam  spectet.  Neque  enim  suam  humanitatem  cum  patris  divinitate  confert:  sed  statum  praesentem  cum  futuro,  in  quo  manifestanda  perfecte  eratl)  divinitatis  suae  gloria.  Nam  sub  patris  nomine  hic  notatur  tota  divinitas,  cuius  plenitudo  in  Christo  habitat  (Col.  1,  19  et  2,  9):  ut  non  tantum  tenenda  sit  distinctio  inter  patris  et  filii  personas,  sed  admirabile  illud  Dei  consilium,  qua  factum  est  ut  filius  Dei  unigenitus  ad  nos  descen-  1)  erat  perfectae  Cod.