55:340  abstineat:  ipsa  enim  nocendi  cupiditas,  non  aliter  ac  conatus,  damnatur  coram  Deo.  Imo  etiam  ubi  nocere  non  appetimus,  si  tamen  aliunde  cupimus  malum  fratri  nostro  accidere,  tunc  quoque  homicidae  sumus.  Ergo  apostolus  rem,  ut  est,  simpliciter  definit,  quum  homicidii  nomen  tribuit  odio.  Unde  convincitur  hominum  stultitia,  quod  quum  nomen  abominentur,  crimen  ipsum  prope  nihili  faciunt  Unde  id  ?  Quia  scilicet  externa  rerum  facies  sensus  omnes  nostros  occupat,  coram  Deo  interior  affectus  in  rationem  venit.  Quare  ne  quis  amplius  tam  grave  malum  extenuet,  discamus  nostra  iudicia  ad  Dei  tribunal  revocare.  16.  In  hoc  cognovimus.  Nunc  quaenam  sit  vera  caritas  ostendit.  Neque  enim  eam  laudare  satis  ,  esset,  nisi  vis  eius  teneatur.  Perfectam  autem  carils  tatis  regulam  proponit  in  Christi  exemplo:  quia  propriae  vitae  non  parcendo,  testatum  fecit  quantopere  nos  diligeret.  Ad  hunc  ergo  scopum  tendere  iubet.  Summa  est,  in  eo  probari  nostram  caritatem^  si  amorem  nostri  in  fratres  transferimus,  ita  ut  sui  quisque  quodammodo  oblitus,  aliis  consulat.  Certum  quidem  est,  nos  Christo  esse  longe  impares:  sed  apostolus  imitationem  nobis  commendat,  quia  etsi  ipsum  non  assequimur,  procul  tamen  eius  vestigia  sequi  convenit.  Sane  quum  apostoli  consilium  sit,  inanem  hypocritis  iactantiam  excutere,  qui  fidem  Christi,  sine  fraterno  amore,  se  habere  gloriantur:  nisi  in  animis  nostris  vigeat  hoc  studium,  nihil  esse  nobis  cum  Christo  commune,  his  verbis  significat.  Neque  tamen  (ut  dixi)  Christi  dilectionem  nobis  ita  proponit,  ut  aequalem  a  nobis  exigat.  Quid  enim  hoc  foret,  quam  ad  unum  omnes  ad  desperationem  cogere?  Sed  ita  vult  compositos  esse  nostros  affectus,  ut  vitam  simul  et  mortem  cupiamus  primum  Deo,  tum  etiam  proximis  impendere.  Est  alterum  inter  nos  et  Christum  discrimen,  quod  non  eadem  mortis  nostrae  virtus  esse  potest.  Neque  enim  sanguine  nostro  placatur  ira  Dei,  nec  morte  vita  acquiritur,  nec  debita  aliis  poena  persolvitur.  Sed  apostolus  in  hac  comparatione,  qualis  fuerit  vol  finis,  vel  effectus  mortis  Christi,  non  spectavit:  sed  tantum  vitam  nostram  formari  voluit  ad  eius  exemplum.  17.  Si  quis  habeat  victum.  Nunc  concionatur  de  communibus  caritatis  officiis,  quae  ex  summo  illo  fonte  manant  :  ubi  scilicet  nos  ad  mortem  usque  proximis  impendere  parati  sumus.  Quamquam  videtur  a  maiori  ad  minus  argumentari.  Nam  qui  facultatibus  suis,  salva  et  incolumi  vita,  fratris  inopiam  levare  abnuit,  multo  minus  vitam  suam  exponeret.  Ergo  caritatem  in  nobis  esse  negat,  si  proximos  ope  nostra  fraudemus.  Caeterum  externam  beneficentiam  sic  commendat,  ut  simul  optime  exprimat  quaenam  vera  sit  benefaciendi  ratio,  et  qualis  eam  regere  debeat  affectus.  Sit  igitur  haec