5:340  Resurrexit  a  mortuis,  ascendit  in  coelum,  sedet  ad  dexteram  patris,  inde  venturus  ad  iudicandum  vivos  et  mortuos.  Ex  eius  resurrectione  certam  victoriae  fiduciam  colligere  licet,  de  mortis  imperio  obtinendo.  Nam  ut  eius  doloribus  ipso  detineri  non  potuit  (Act.  2,  24),  sed  emersit  supra  omnem  eius  potestatem:  [pag.  28]  ita  omnes  eius  aculeos  sic  retudit  ne  iam  ad  exitium  pungere  nos  queant  Est  ergo  eius  resurrectio,  primum  certissima  veritas  et  hypostasis  nostrae  resurrectionis  olim  futurae:  deinde  praesentis  quoque  vivificationis,  qua  in  vitae  novitatem  suscitamur  (Rom.  6,  8  ss.).  Suo  in  coelum  ascensu1)  aditum  regni  coelorum,  qui  in  Adam  omnibus  clausus  erat,  nobis  aperuit:  siquidem  coelum  in  carne  nostra,  quasi  nostro  nomine  ingressus  est,  ut  iam  in  ipso  per  spem  coelum  possideamus,  adeoque  inter  coelestes  quodammodo  sedeamus  (Ephes.  2,  6).  Neque  illic  est  sine  summo  nostro  bono,  quin  potius  pro  aeterni  sacerdotii  officio  sanctuarium  Dei  non  manufactum  ingressus,  pro  nobis  perpetuus  advocatus  et  mediator  intercedit  (Hebr.  9,  ll).  Quod  autem  sedere2)  ad  pateris  dexteram  dicitur,  significatur  constitutum  ac  declaratum  regem,  arbitrum  ac  dominum  super  omnia,  quo  nos  sua  virtute  conservet  ac  moderetur:  ut  regnum  eius  et  gloria  nostrum  sit  robur,  virtus  et  adversus  inferos  gloriatio:  deinde  omnes  spiritus  sancti  gratias  in  dispensationem  accepisse,  quibus  fideles  suos  locupletaret  (Ephes.  1,  3).  Itaque*)  quanquam  in  coelum  sublatus,  corporis  sui  praesentiam  e  conspectu  nostro  sustulit,  non  tamen  auxilio  ac  potentia  desinit  adesse  suis  fidelibus}  manifestamque  praesentiae  suae  virtutem  ostendere  (Ephes.  4,  8  ss.);  quod  etiam  pollicitus  est.  Ecce,  inquit,  vobiscum  sum  usque  ad  consummationem  saeculi  (Matth.  28,  20).  Postremo  subiicitur,  ipsum  visibili  forma  inde  descensurum,  qualis  ascendere  visus  est,  supremo  scilicet  die,  quo  omnibus  apparebit,  cum  ineffabili  regni  sui  maiestate,  iudicaturus  vivos  et  mortuos:  hoc  est,  tam  quos  dies  ille  superstites  deprehendet,  quam  qui  antea  morte  sublati  fuerint:  ac  [pag.  29]  mercedem  omnibus  redditurum,  secundum  opera  sua,  ut  se  quisque  fidelem  suis  operibus  aut  infidelem  approbarit.  Et  hinc  eximia  redit  ad  nos  consolatio,  quod  iudicium  delatum  esse  audimus  ei,  cuius  adventus  non  nisi  in  salutem  nobis  esse  possit.  Credo  in  spiritum  sanctum.  Dum  in  spiritum  sanctum  docemur  credere,  simul  etiam  exspectare  inde  iubemur,  quod  illi  in  4scrip-  1)  Cf.  Insttt  p.  133.  2)  Ibidem.  3)  Ibid  p.  134.