49:340  enim  subaudimus  quam  ipsi:  quia  coguntur  similitudinis  notam  addere  ad  verbum  faciat  Quod  de  adscensu  in  cor  hominis  sequitur,  tametsi  non  habetur  apud  prophetam,  nihil  tamen  a  particula  illa,  praeter  te,  alienum  sonat.  Nam  quum  soli  Deo  tribuit  hanc  notitiam,  non  tantum  corporeos  hominum  sensus,  sed  totam  quoque  mentis  facultatem  ab  ea  excludit:  quamquam  ergo  visum  et  auditum  duntaxat  exprimit  propheta,  omnes  tamen  animae  facultates  tacite  complectitur.  Et  certe  ista  duo  sunt  organa,  quibus  earum  rerum  notitiam  concipimus,  quae  ad  intellectum  deinde  perveniunt.  In  participio  d  i  l  i  g  e  n  t  i  b  u  s  sequutus  est  Graecos,  qui  similitudine  literae  unius  decepti  sic  transtulerunt  :  sed  quia  id  nihil  ad  praesentem  causam  spectabat,  noluit  a  communi  usu  discedere  :  sicuti  passim  videmus  quantum  receptae  lectioni  concedat.  Quare  utcunque  non  eadem  sint  verba,  nihil  tamen  est  discrepantiae.  Nunc  ad  rem  venio:  illic  propheta  commemorans  quam  praeclare  semper  opitulatus  sit  Deus  in  necessitate  populo  suo,  exclamat,  eius  erga  pios  beneficia  superare  captum  humani  sensus.  Quid  hoc  ad  spiritualem  doctrinam,  dicet  quispiam,  et  promissiones  aeternae  vitae,  de  quibus  hic  Paulus  disputat?  Huius  quaestionis  triplex  est  solutio:  nihil  enim  absurdi  erit,  si  dicamus  prophetam,  quum  de  terrenis  beneficiis  meminisset,  hac  occasione  evectum  ad  generalem  sententiam:  adeoque  ad  praedicandam  spiritualem  beatitudinem,  quae  reposita  est  fidelibus  in  coelo.  Malo  tamen  simpliciter  Dei  gratias  intelligere,  quae  fidelibus  quotidie  conferuntur.  In  his  semper  causam  intueri  convenit:  non  autem  oculos  in  praesentem  earum  adspectum  defigere.  Causa  porro  est  gratuita  Dei  bonitas,  qua  nos  in  filiorum  numerum  adoptavit.  Qui  ergo  ea  rite  aestimare  volet,  non  nuda  considerabit:  sed  paterno  Dei  amore,  tanquam  veste,  induet:  ac  proinde  a  temporalibus  donis  ad  vitam  aeternam  dirigetur.  Posset  etiam  dici,  argumentum  esse  a  minori  ad  maius:  nam  si  ad  metiendas  terrenas  Dei  gratias  non  pertingit  hominis  intellectus,  quanto  minus  ad  coeli  altitudinem  perveniet?  Sed  iam  ostendi  quid  mihi  magis  placeat.  10.  Nobis  autem  Deus  revelavit  per  spiritum  suum  :  spiritus  enim  omnia  scrutatur,  etiam  profunditates  Dei.  ll.  Quis  enim  hominum  novit  quae  ad  eum  pertinens  nisi  spiritus  hominis  qui  est  in  ipso?  Ita  et  quae  Dei  sunt,  nemo  novit,  nisi  spiritus  Dei.  12.  Nos  autem  non  spiritum  mundi  accepimus,  sed  spiritum  qui  est  ex  Deo:  ut  sciamus,  quae  a  Christo  donata  sunt  nobis:  13.  quae  et  loquimur  non  in  eruditis  humanae  sapientiae  sermonibus,  sed  spiritus  sancti:  spiritualibus  spiritualia  coaptantes.  10.  Nobis  Deus  revelavit.  Postquam  conclusit  universos  homines  sub  caecitate,  et  humanae  menti