41:340  ces  menus  fatras  qu'on  ha  invente  pour  servir  a  Dieu,  comme  en  la  papaute  il  y  aura  un  grand  abisme  de  ceremonies  pour  dire  s'il  faut  servir  a  Dieu  il  faut  faire  ceci  et  cela,  et  n'est  ce  point  se  moquer  de  Dieu,  que  peut  il  sortir  de  la  teste  et  du  cerveau  de  l'homme  sinon  toute  iniquite?  Or  il  est  ainsi  que  les  hommes  ne  demandent  qu'a  vivre  selon  leur  mauvaise  nature,  et  quand  ils  suivent  leur  naturel,  ils  ne  peuvent  sinon  s'eslongner  de  Dieu,  et  faire  tout  au  contraire  de  sa  volonte.  Nons  voions  donc  comme  l'idolatrie  nous  empesche  de  venir  droit  a  Dieu  et  mesmes  envers  nous,  encores  que  nous  n'aions  plus  tous  ces  menus  bagages  de  la  papaute,  ces  petis  agios  et  ces  hochettes  de  petis  enfans,  si  est  ce  que  nous  en  verrons  la  pluspart  qui  feront  des  idoles  en  leur  cerveau,  qui  se  feront  eux  mesmes  idoles,  et  voudront  estre  exemptes  par  ce  moien  la  du  rang  et  de  la  compagnie  des  hommes.  Et  ne  faut  point  que  nous  alions  a  l'escole  pour  apprendre  cette  lecon  la,  car  nous  y  sommes  tous  confits  de  nature.  Voiant  donc  un  tel  vice  en  nous,  que  nous  soions  diligens  quand  nous  avons  a  venir  a  Dieu,  et  garder  le  chemin  qu'il  nous  monstre,  que  nous  le  prions  qu'il  nous  guide  en  nos  pas,  comme  nous  voions  que  David  et  les  autres  saincts  personnages  en  on  fait.  Voila  quant  a  cest  article,  ou  il  est  dit  que  Balsazar  ne  s'adresse  point  a  Daniel,  combien  que  Dieu  l'eust  declare  Prophete,  mais  qu'il  va  plustost  aux  devins  et  aux  enchanteurs,  et  comment  cela?  Or  Dieu  avoit  desia  descouvert  la  deception  de  ces  magiciens  ici,  il  avoit  monstre  quel  estoit  tout  leur  cas,  tellement  que  cela  devoit  estre  conneu  iusqu'a  mille  ans  pour  dire,  si  nous  avons  cuide  avoir  toute  la  sagesse  du  monde,  en  la  fin  nous  avons  conneu  que  ce  n'estoit  que  folie,  Dieu  donc  avoit  la  desploio  sa  maieste  pour  monstrer  que  c'est  luy  seul  auquel  apartient  d'annoncer  les  choses  secretes,  que  c'est  luy  seul  qui  illumine  l'Esprit  des  hommes��  On  devoit  donc  avoir  cela  pour  tout  resolu  en  Babilonne.  Or  voila  Daniel  qui  est  comme  enseveli.  On  le  reiecto  combien  qu'il  soit  conneu  vray  Prophete.  Et  ce  pendant  voila  les  magiciens  qui  entrent  en  credit,  ils  ont  la  vogue  quant  au  monde.  Mais  il  ne  s'en  faut  point  esmerveiller,  car  le  monde  demande  tousiours  ce  qui  est  semblable  a  luy  :  d'autant  plus  devons  nous  estre  sur  nos  gardes,  car  ce  n'a  point  este  un  vice  particulier  que  cestuy  ci.  Il  ne  nous  faut  point  condamner  les  Chaldeens  en  cest  endroit  pour  ce  pendant  nous  absoudre  car  nous  serons  tous  semblables,  sinon  que  Dieu  nous  tienne  la  main  forte,  et  qu'il  ne  permette  point  que  nous  soyons  si  soudainement  transportes  pour  le  delaisser  et  pour  adherer  a  Sathan  son  ennemi  et  le  nostre.  Au  reste  il  est  bien  vray  semblable  que  ce  Roy  de  Babilonne  ne  vouloit  point  avoir  la  teste  rompue