1:340  [A39;  B36;  C  36.  lentem  quidem  peccare,  non  invitum  nec  coactum;  affectione  animi  propensisbima,  non  violenta  coactione;  propriae  libidinis  motu,  non  extraria  coactione;  qua  tamen  est  naturae  pravitate,  non  posse  nisi  ad  malum  moveri  et  agi.  Quod  si  verum  est,  peccandi  certe  necessitati  subiacere  non  obscure  exprimitur.  52.  Sequitur  ut  dicamus  de  divinae  gratiae  remedio,  qua  naturae  vitiositas  emendatur.  Nam  quum  Dominus  in  ope  ferenda  quod  nobis  deest  largiatur,  ubi  constiterit  quale  sit  in  nobis  illius  opus,  quae  sit  e  converso  nostra  penuria,  statim  elucescet.  Quum  dicit  apostolus  Philippensibus  (1,  6)  se  confidere  quod  qui  coepit  in  ipsis  opus  bonum  perfecturus  sit  usque  in  diem  Iesu  Christi,  non  dubium  quin  per  boni  operis  principium  ipsam  conversionis  originem,  quae  est  in  voluntate,  designet.  Bonum  itaque  opus  inchoat  in  nobis  Deus,  iustitiae  et  amorem  et  desiderium  et  studium  in  cordibus  nostris  excitando;  vel,  ut  magis  proprie  loquamur,  corda  nostra  flectendo,  formando,  dirigendo  in  iustitiam;  perficit  autem,  ad  perseverantiam  nos  confirmando.  Ne  quis  a  Domino  bonum  inchoari  tergiversetur,  quod  voluntas,  per  se  infirma,  adiuvetur,  alibi  declarat  spiritus  quid  valeat  voluntas  sibi  relicta.  Dabo,  inquit  (Ez.  36,  26),  vobis  cor  novum,  spiritum  novum  ponam  in  medio  vestri,  et  auferam  cor  lapideum  de  carne  vestra,  et  dabo  vobis  cor  carneum,  et  spiritum  meum  ponam  in  medio  vestri,  et  faciam  ut  in  praeceptis  meis  ambuletis.  Quis  voluntatis  humahae  infirmitatem  dicet  subsidio  roborari,  quo  ad  boni  electionem  efficaciter  aspiret,  quum  transformari  renovarique  totam  oporteat?  Si  qua  est  in  lapide  mollities,  quae  adminiculo  tenerior  facta  flexum  quemlibet  recipiat,  neque  ductile  esse  cor  hominis  negabo  in  recti  obedientiam,  modo  gratia  Domini  quod  in  eo  imperfectum  est  suppleatur.  Verum  si  hac  similitudine  ostendere  voluit  Dominus,  nihil  unquam  boni  expressum  iri  a  corde  nostro,  nisi  penitus  aliud  fiat,  ne  inter  ipsummet  nos  partiamur,  quod  sibi  uni  vindicat.  Si  ergo  lapis  in  carnem  transformatur  quando  nos  Dominus  ad  recti  studium  convertit,  aboletur  quidquid  est  propriae  nostrae  voluntatis;  quod  in  eius  locum  succedit,  totum  a  Domino  est.  53.  Sed  erunt  forte  qui  concedent  voluntatem  a  bono  suopte  ingenio  aversam  sola  Domini  virtute  converti;  sic  tamen,  ut  praeparata  suas  deinde  in  agendo  partes  habeat.  Quemadmodum  docet  Augustinus,  1)  omne  bonum  opus  gratiam  praecedere,  et  id  comitante,  non  ducente;  pedissequa,  non  praevia  voluntate.  Ego  autem  duo  in  prophetae  verbis  signari  animadverto:  quod  et  pravam  nostram  voluntatem  corrigat  Dominus,  vel  potius  aboleat,  et  a  1)  Ad  Bonifac,  epist.  106.