8:34  vocationem  suam  constanter  persequuti  sunt.  Nunc  vero  tam  animosa  eorum  strenuitas  non  modo  instar  vehiculi,  quod  lassitudini  nostrae  medeatur,  sed  loco  alarum  esse  nobis  debet,  quibus  supra  arduas  rupes,  spinosos  perplexosque  saltus  et  quaevis  abrupta  transvolemus.  Eventus  autem  laetiores,  qui  fidelis  in  servanda  ecclesia  Dei  curae  testes  sunt,  nisi  omnem  scandali  sensum  nobis  tollant,  plus  iusto  sumus  molles  ac  delicati.  Imo  hoc  fastidium  minime  ferendum  est,  si  in  plano  itinere  scandalum  prava  imaginatione  nobis  ipsi  obiicimus.  Quod  si  in  veteri  populo  hoc  boni  semper  habuerunt  ecclesiae  infortunia  et  aerumnae  ut  praesentius  Dei  auxilium  secum  adferrent,  ac  quo  gravior  fuit  crucis  pressura  eo  clarius  ostendit  Deus  sua  manu  erigi  ecclesiam,  erectamque  sustineri:  [pag.  40]  sub  regno  Christi  louge  clarior  est  huius  rei  conspectus.  Si  per  continuos  pacis  successus,  florentem  iucundumque  statum  retinuissot  ecclesia,  ex  quo  publicari  coepit  evangelium  mundo:  nempe  haec  fuisset  humanitus  usitata  ratio,  quam  omnes  contemptim  praeterissent.  Verum  quum  adversus  exiguam  et  contemptibilem  manum  protinus  efferbuerint  gentium  ordinumque  omnium  odia,  quum  nomen  christianum  diu  sic  fuerit  ubique  invisum,  ac  detestabile  ut  singulis  momentis  parum  ab  interitu  distaret,  quum  passim  diris  modis  saevitum  fuerit  in  eos  omnes  qui  vel  obscuram  aliquam  christianismi  significationem  dare  audebant,  quum  ad  exstinguendam  eorum  memoriam  facta  esset  totius  orbis  conspiratio:  quod  ecclesia  nihilominus  semper  aliqua  duravit,  hic  insolita  virtus  et  arcanus  nescio  quis  vigor  apparet.  Hoc  dico,  quum  templa  Christianis  essent  ferarum  in  sylvis  et  montibus  latebrae,  nusquam  tutum  domicilium,  et  extrema  infamia  parique  odio  flagrarent,  quis  nomen  evangelio  dare  non  horruisset  nisi  divinitus  excitatus?  Atqui  subinde  multi  certatim  ex  destinato  ad  subeundum  tale  dedecus,  ad  miserum  illum  et  servilem  metum  advolabant.  Simul  atque  Christum  professus  erat  quispiam,  non  modo  ad  mortem  rapiebatur,  sed  saevi  cruciatus  simul  erant  propositi.  Nulla  sexus,  nulla  aetatis  misericordia  erat.  Aliquos  fuisse  repertos  qui  hac  mercede  Christiani  esse  vellent,  nonne  plus  quam  mirum  est?  Ut  quisque  captus  erat  acerrima  de  sociis  quaestio  habebatur.  Si  quando  in  tormentis  vocem  continuit,  qui  in  tyranni  necem  cum  aliis  conspiraverat,  ne  conscios  detegeret,  omnes  constantiam  mirantur:  in  tot  provinciis,  in  tot  urbibus  innumera  servatae  ad  extremum  fidei  exempla,  annon  linguas  divinitus  fuisse  gubernatas  testantur?  Quum  autem  [pag.  41]  in  singulis  hominibus,  ac  saepe  etiam  in  mulierculis  periclitaretur  tota  ecclesiae  salus,  in  eo  certe  insigne  miraculum  fuit,  quod  non  brevi  omnes  funditus  sublati  fuerint.  Atqui  inter  tot  diminutiones,  excidiis  non  multum  absimiies,  3