58:34  l'encontre  de  Dieu:  Mais  qu'y  profiteront  ils  a  la  fin?  Nous  avons  allegue  que  ici  il  notis  faut  apporter  une  humilite,  pour  adorer  ce  qui  nous  a  este  cache.  Et  de-fait,  sainct  Paul  nous  le  monstre  bien  par  son  exemple:  car  au  lieu  de  disputer  il  s'escrie  (Rom.  11,  33),  O  que  les  iugemens  de  Dieu  sont  admirables,  voila  sainct  Paul  qui  est  tout  esbahi:  il  se  trouve  la  estonne,  lui  qui  avoit  este  ravi  par  dessus  les  cieux,  qui  avoit  veu  les  secrets  de  Dieu,  qu'il  n'estoit  pas  licite  a  homme  mortel  de  proferer.  Sainct  Paul  donc  qui  est  compagnon  des  Anges,  par  maniere  de  dire,  se  trouve  ici  esmerveille  et  tout  confus:  et  que  sera-ce  de  ces  coquars,  qui  n'ont  pas  a  grand'peine  leiche  du  bout  de  la  langue  un  seul  mot  de  l'evangile  et  de  la  Loy,  et  neantmoins  ils  voudront  passer  outre  saint  Paul?  Si  est-ce  qu'on  verra  cest  orgueil  la  en  beaucoup.  Or  de  nostre  part,  revenons  a  ce  qui  nous  est  monstre,  O  homme  qui  es-tu?  Quand  donc  nous  ferons  comparaison  de  Dieu  avec  nous,  Qui  est  Dieu?  en  quelle  mesure  le  pourrons-nous  enclorre?  Sera-ce  en  nostre  cerveau?  et  nous  n'avons  pas  une  demie  once  de  sens,  et  cependant,  Dieu  qui  ferme  son  poing  pour  tenir  tout  le  monde  comme  un  grain  de  pouciere  (ainsi  que  dit  Isaie)  et  lequel  n'est  comprins  ni  au  ciel  ni  en  la  terre,  lequel  a  sa  vertu,  et  iustice,  et  sagesse  infinie,  et  qui  a  ses  conseils  incomprehensibles  :  et  cependant  il  faudra  que  nous  le  venions  assuiettir  a  nostre  fole  fantasie.  Et  ou  est-ce  aller?  Et  puis  qui  sommes  nous?  Hommes,  dit  saint  Paul.  Sous  ce  mot-la  ii  signifie  que  nous  ne  sommes  rien  du  tout:  comme  s'il  disoit,  et  faut-il  que  tu  presumes  tant  de  te  vouloir  enquerir  des  secrets  profonds  de  Dieu,  veu  que  tu  n'es  que  fange  et  boue?  et  puis,  quel  est  ton  sens?  Tu  es  plein  de  peche  et  d'iniquite,  tu  es  un  povre  aveugle:  et  cependant  tu  voudras  que  Dieu  te  rende  conte:  et  viendras  conclure,  que  si  tu  ne  trouves  ce  qu'il  fait  estre  bon  et  raisonnable,  tu  le  pourras  accuser,  et  qu'il  faudra  qu'il  passe  ici  par  ton  bureau.  Or  retenons  ceste  admonition-la  en  premier  lieu,  et  cognoissons  que  nostre  Seigneur  nous  enseigne  que  nous  ne  pouvons  faillir  d'escouter  et  d'ouvrir  les  aureilles  pour  nous  enquerir  de  ce  qu'il  lui  plaist  que  nous  sachions:  mais  gardonsnous  de  passer  plus  outre:  car  il  n'y  a  rage  si  grande  ne  si  enorme,  que  quand  nous  voulons  plus  savoir  que  Dieu  ne  nous  monstre.  Et  au  reste,  nous  aurons  beau  travailler,  appliquons-y  tous  noz  sens  et  toutes  noz  estudes  :  ou  est-ce  que  nous  parviendrons  ?  Ce  sera  nous  fourrer  tousiours  tant  plus  avant  au  labyrinthe,  sinon  que  nous  aions  la  conduite  de  Dieu  pour  nous  esclairer.  Gardons  donc  ce  moien:  c'est  d'escouter  ce  que  Dieu  nous  propose:  et  si  tost  qu'il  ferme  la  bouche,  que  nous  aions  tous  noz  sens  enserrez  et  captifs,  et  que  nous  n'entreprenions  pas  de  plus  savoir  que  ce  qu'il  nous  aura  prononce.  Or  34