54:34  resolu,  c'est  ascavoir,  que  Dieu  elargit  de  ses  graces  a  ceux  qu'il  constitue  ministres  de  sa  Parole.  Yoila  en  somme  ce  que  sainct  Paul  a  voulu  declarer,  disant  que  Timothee  estant  receu  en  l'office,  avoit  aussi  receu  les  dons  qui  estoyent  necessaires  pour  se  porter  fidelement.  Vray  est  que  ce  mot,  d'imposition  des  mains,  n'est  point  superflu:  car  c'estoit  la  ceremonie  ordinaire  dont  on  usoit  pour  constituer  les  ministres:  et  les  apostres  avoyent  retenu  cela  de  la  facon  ancienne  de  la  Loy.  Car  on  mettoit  la  main  sur  les  sacrifices:  et  quand  on  faisoit  quelque  oraison  solennelle,  on  mettoit  ainsi  les  mains.  Cela  estoit  un  signe  d'oblation  qu'on  offroit  a  Dieu  de  celuy  qui  luy  estoit  recommande,  comme  s'il  luy  est  este  dedie.  Et  par  ainsi  ceux  qui  estoyent  establis  pour  porter  la  parole  de  Dieu,  estoyent  admonestez  qu'ils  n'estoyent  plus  a  eux,  et  qu'ils  n'estoyent  plus  comme  personnes  privees,  qu'ils  n'avoyent  plus  de  liberte,  mais  qu'ils  estoyent  du  tout  obligez  a  Dieu  et  a  son  Eglise.  Or  cependant  qu'on  faisoit  une  telle  offerte,  chacun  prioit:  comme  c'est  aussi  une  singuliere  benediction  de  Dieu  d'avoir  das  pasteurs  fideles  qui  anoncent  sa  Parole,  et  qui  s'en  acquittent:  car  voila  en  quoy  consiste  le  salut  de  tous  fideles.  C'est  donc  a  tout  le  corps  de  l'Eglise  de  prier  pour  celuy  qui  est  ainsi  constitue  pasteur:  car  chacun  le  fait  pour  son  profit.  Or  Dieu  exaucoit  les  prieres  qui  estoyent  ainsi  faites  sur  la  teste  d'un  homme.  Car  en  premier  lieu  on  faisoit  protestation  solennelle:  cest  homme  est  dedie  a  Dieu,  afin  qu'il  s'applique  du  tout  a  l'edification  de  l'Eglise.  Et  cependant,  pource  que  les  hommes  ne  sont  point  idoines  ni  suffisans  pour  faire  ce  qui  est  requis  en  cest  estat,  mesmes  pour  s'acquitter  de  la  centieme  partie,  il  faut  que  Dieu  besongne  ici.  Or  donc  le  premier  est,  de  demander  a  Dieu,  qu'il  luy  plaise  de  donner  grace  a  l'homme  qui  est  ainsi  choisi,  de  faire  en  sorte  que  l'Eglise  soit  deuement  servie:  et  puis,  qu'il  y  ait  telle  constance,  qu'il  persevere  iusques  en  la  fin.  Pour  ceste  cause  sainct  Paul  dit  que  Timothee  a  receu  le  don  de  l'Esprit,  quand  ii  a  este  constitue  ministre.  Or  ce  don-la  estoit  experimente  aux  prieres  communes:  et  cependant  aussi  la  ceremonie  n'estoit  pas  superflue,  ce  n'estoit  pas  une  forme  qu'on  eust  introduite  a  la  poste:  mais  c'estoit  un  tesmoignage  que  Dieu  recevant  ceux  qui  luy  sont  offerts,  les  gouverne,  et  leur  donne  dequoy  pour  executer  l'office  qui  leur  est  commis.  Nous  voyons  donc  maintenant  a  quoy  ceci  tend.  Et  pleust  a  Dieu  qu'une  telle  simplicite  eust  este  gardee  en  l'Eglise.  Car  on  n'eust  point  sceu  que  c'est  de  ceste  prestrise  infernale  qui  est  en  la  Papaute,  si  on  eust  institue  seulement  des  pasteurs  et  des  ministres,  pour  servir  a  Dieu  en  portant  sa  Parole:  ce  sacrifice  execrable  de  la  messe  ne  seroit  3