53:34  enfans,  que  les  sacrifices  solennels  qui  se  faisoyent:  car  il  y  avoit  le  patron  spirituel  que  Moyse  avoit  veu  en  la  montagne.  Et  ainsi  notons  que  nostre  Seigneur  a  voulu  retenir  son  peuple  a  soy  par  le  moyen  de  nostre  Seigneur  Iestis  Christ:  et  c'est  la,  comme  i'ay  dit,  qu'il  faut  que  nostre  foy  s'arreste,  et  qu'elle  soit  du  tout  appuyee.  Car  si  nous  n'avons  Iesus  Christ  devant  nos  yeux,  il  est  impossible  que  nous  cognoissions  rien  de  Dieu.  Et  voila  pourquoy  il  est  dit  qu'il  s'est  represente  a  nous  en  son  image  vive.  Nous  ne  pouvons  pas  contempler  Dieu  en  sa  maieste  nue.  Il  faut  donc  que  nous  venions  droit  a  Iesus  Christ.  Et  c'est  luy  aussi  par  lequel  Dieu  nous  est  propice,  c'est  la  ou  nous  avons  le  lavement  de  nos  ordures  et  pollutions,  c'est  la  ou  nous  avons  l'acquit  de  toutes  nos  offenses,  c'est  la  ou  nous  avons  l'appointement  pour  nous  reconcilier  avec  Dieu,  c'est  la  ou  nous  trouvons  la  pleine  iustice  pour  laver  toutes  nos  iniquitez,  c'est  la  ou  nous  trouvons  la  vie  pour  nous  retirer  de  la  servitude  de  mort,  c'est  la  ou  nous  trouvons  la  vertu  pour  subvenir  a  toutes  nos  foiblesses.  Et  ainsi  d'autant  qu'en  Iesus  Christ  toute  plenitude  de  bien  nous  est  apportee,  il  faut  que  nous  cognoissions  que  Dieu  l'a  voulu  donner  au  peuple  ancien,  comme  le  but  de  leur  foy:  et  auiourd'huy  par  plus  forte  raison  ii  nous  faut  tendre  la,  puis  que  Iesus  Christ  nous  est  manifeste  plus  amplement  qu'il  n'avoit  pas  este  aux  Peres.  Cependant  notons  que  tous  ceux  qui  ne  veulent  comprendre  de  la  Loy  sinon  qu'elle  est  la  facon  de  bien  vivre,  ceux-la  mettent  la  charrue  devant  les  boeufs  (comme  on  dit),  et  pourquoy?  car  ils  laissent  le  principal,  c'est  ascavoir  la  foy,  de  laquelle  nous  avons  parle.  Voulons-nous  donc  bien  profiter  en  la  Loy  de  Dieu?  Regardons  les  promesses  gratuites  qui  sont  la  contenues,  ou  Dieu  nous  veut  certifier  de  son  amour,  ou  il  nous  veut  appeller  a  soy,  afin  que  nous  ayons  la  hardiesse  de  l'invoquer  comme  nostre  Pere,  que  nous  soyons  du  tout  appuyez  sur  sa  bonte,  que  nous  ne  doutions  point  de  son  amour  pour  estre  certifiez  de  l'heritage  du  salut  eternel.  Voila  le  vray  contentement:  et  sans  cela  nous  ne  ferons  que  bastir  en  l'air,  que  nous  ne  serons  point  fondez:  et  l'edifice  que  nous  aurons  fait,  s'en  ira  en  ruine.  Et  en  cela  voit-on  comme  tout  a  este  perverti  en  la  Papaute.  Car  combien  que  ce  mot  de  Dieu  trotte  assez  en  la  bouche  de  chacun,  qu'on  parle  de  la  foy,  neantmoins  on  ne  scait  que  c'est:  car  les  promesses  de  Dieu  sont  non  seulement  obscures,  mais  comme  ensevelies  du  tout.  On  parlera  de  la  grace,  mais  c'est  pour  retenir  les  hommes  en  une  vaine  presomption,  voire  diabolique,  de  leurs  oeuvres  meritoires,  tellement  qu'on  ne  scait  que  c'est  d'invoquer  Dieu  en  certitude.  Par  cela  nous  voyons  que  la  conditon  des  Papistes  est  plus  que  miserable.  Or  d'autant  plus  nous  faut-il  discerner  ce  qui  est  3  33  34