52:34  mus.  Deus  est  qui  vocat,  qui  salutem  offert:  officii  nostri  est  fide  amplecti  quod  dat,  obedientia  respondere  eius  vocationi:  sed  neutrum  habemus  ex  nobis.  Tunc  ergo  facimus,  quum  ipse  ad  agendum  nos  praeparavit.  Verbum,  quo  utitur,  proprie  significat  ad  finem  perducere:  sed  memoria  tenendum  est  quod  dixi,  Paulum  non  disputare  quousque  se  facultas  nostra  extendat,  sed  simpliciter  docere,  Deum  ita  agere  in  nobis,  ut  non  tamen  sinat  nos  pigrescere,  sed  arcano  instinct  a  impulsos  strenue  exerceat.  14.  Absque  murmurationibus.  Hi  sunt  fructus  humilitatis,  ad  quam  cohortatus  fuerat.  Nam  quisquis  nihil  sibi  tribuens,  sollicite  se  Deo  subiicere  didicit:  placide  etiam  se  geret  inter  homines.  Ubi  sibi  quisque  placet,  duo  vitia  illic  regnant:  quod  alii  aliis  obloquuntur:  deinde  quod  inter  se  contentionibus  pugnant.  Primum  ergo  malignitatem  et  obscuras  simultates  prohibet:  deinde  apertas  contentiones.  Adiicit  tertium,  ne  dent  alus  occasionem  conquerendi:  quod  ex  morositate  nimia  provenire  solet.  Non  sunt  quidem  semper  reformidaada  odia:  verum  danda  opera  est  ne  culpa  nostra  reddamus  nos  odiosos:  quo  impleatur  illud  in  nobis:  Gratis  me  habuerunt  odio  (Psal.  35,  19.).  Quamquam  si  quis  latius  extendat,  non  repugno.  Nam  inde  murmura  et  disceptationes,  dum  sibi  quisque  ultra  modum  studens,  aliis  dat  occasionem  conquerendi.  Imo  active  potest  capi  haec  dictio,  ut  significet  non  molestos  nec  querulos.  Atque  haec  significatio  contextui  non  male  conveniet:  quia  semen  fere  omnium  iurgiorum  et  obtrectationum  [xsix^1^0^^  es*.  Adiungit  sinceros:  quia  ex  purgatis  animis  nunquam  emergent  illae  faeces.  15.  Filii  Dei  irreprehensibiles.  Sic  resolvi  debet:  Irreprehensibiles,  quia  filii  Dei  estis.  Nam  Dei  adoptio  causa  esse  debet  vitae  inculpatae:  ut  patrem  nostrum  aliqua  similitudine  referamus.  Quamquam  autem  nunquam  exstitit  talis  perfectio  in  mundo  ut  nihil  reprehensione  dignum  inveniretur:  irreprehensibiles  tamen  vocantur  qui  toto  studio  illuc  adspirant,  quemadmodum  alibi  dictum  est.  In  medio  generationis.  Vivunt  quidem  in  terra  fideles  impiis  permisti,  communem  aerem  simul  hauriunt,  communi  fruuntur  solo.  Ac  tunc  etiam  magis  dispersi  erant:  quia  vix  reperta  fuisset  pia  una  domus,  quae  non  undique  circumdaretur  incredulis.  Bo  magis  stimulat  Philippenses  Paulus,  ut  sollicite  sibi  caveant  ab  omnibus  corruptelis.  Sensus  est  igitur:  Estis  quidem  inclusi  inter  malos:  sed  interea  memineritis  Dei  adoptione  vos  separatos  esse  ab  illis.  Sint  igitur  conspicuae  notae,  in  vita,  quae  vos  discernant.  Quin  etiam  magis  excitare  vos  debet  ad  piae  sanctaeque  vitae  studium  haec  ratio,  ne  vitiis  illorum  et  contagione  impliciti,  pars  quoque  sitis  generationis  tortuosae.  Quod  infideles  appellat  generationem  pravam  et  tor-  3