51:34  Voila  donc  en  quoy  les  Chrestiens  se  doivent  exercer,  et  a  quoy  ils  se  doivent  appliquer  du  tout  :  c'est  en  premier  lieu  qu'ils  cognoissent  qu'ils  n'ont  point  ici  leur  repos  eternel,  ni  leur  heritage:  mais  que  le  monde  est  comme  un  pays  estrange  par  lequel  ils  ont  a  passer:  et  qu'ils  ayent  tousiours  les  yeux  eslevez  au  ciel.  Voila  le  princip^.  Or  cela  ne  se  peut  faire  que  les  fideles  quant  et  quant  n'invoquent  Dieu  et  qu'ils  ne  recourent  du  tout  a  luy.  Mais  quant  a  la  vie,  sainct  Paul  dit  qu'il  y  a  trois  choses:  c'est  sainctete,  que  nous  servions  a  Dieu  d'un  coeur  pur  en  integrite  et  rondeur,  voire  renoncant  a  toutes  pollutions  de  ce  monde,  voila  le  premier  point.  Le  second  est  que  nous  ne  soyons  point  dissolus  ni  profanes:  mais  que  nous  menions  une  vie  honneste.  Le  troisieme  c'est  que  nous  ne  facions  tort  a  nul,  que  nous  n'usions  ni  de  fraude  ni  de  cruaute  :  mais  que  nous  taschions  de  servir  a  nos  prochains:  voila  quelle  est  la  vie  des  Chrestiens.  Or  sainct  Paul  dit  ici  que  si  les  hommes  ne  se  confessent  estre  du  tout  ennemis  de  Dieu,  pleins  de  malice  et  de  rebellion,  qu'il  faut  faire  une  briefve  enqueste,  qu'on  regarde  leur  vie  et  on  trouvera  que  les  uns  sont  addonnez  a  paillardise:  les  autres  seront  des  yvrongnes:  les  autres  seront  addonnez  a  toute  vilenie:  le��  au  .  .^  seront  des  meurtriers:  les  autres  des  empoisonneurs:  les  autres  seront  des  mutins:  les  autres  seront  pleins  d'ambition  :  les  autres  ne  demanderont  qu'a  semer  zizanies  et  troubles,  et  a  faire  des  sectes  pour  pervertir  la  verite  de  Dieu  par  leurs  corruptions.  Voila  donc  ce  qu'on  trouvera  en  faisant  enqueste  de  la  vie  des  hommes.  Or  maintenant  que  gagneront-ils  a  plaider  contre  Dieu  et  tascher  par  leurs  cavillations  de  couvrir  leur  turpitude?  Or  s'ils  ne  confessent  cela  de  bouche,  il  faut  que  la  vie  parle,  et  leur  vie  avec  toutes  les  oeuvres  qu'on  y  cognoist  rendront  tesmoignage  de  ce  que  nous  avons  dit,  et  ainsi  il  n'y  a  plus  nulle  dispute.  Au  reste  quand  sainct  Paul  dit  que  les  oeuvres  de  la  chair  sont  notoires,  il  n'entend  pas  que  tous  ceux  que  Dieu  laisse  aller  leur  train  naturel,  et  lesquels  il  ne  gouverne  point  par  son  sainct  Esprit  soyent  entaschez  de  tous  ces  vices  qu'il  nomme  iei:  mais  il  n'y  a  celuy  qui  ne  soit  tellement  corrompu,  que  selon  l'occasion  il  s'addonnera  maintenant  a  un  mal,  maintenant  a  deux  et  a  trois.  On  verra  donc  beaucoup  de  Payens  et  incredules,  qui  n'ont  nulle  crainte  de  Dieu,  qui  ne  sont  point  enseignez  en  sa  parole,  qui  auront  quelque  apparence  de  vertu  et  d'honnestete  :  mais  ce  n'est  pas  a  dire  qu'ils  ne  soyent  corrompus,  et  si  l'infection  est  cachee  et  cropist  la  dedans,  il  y  a  une  apostume  qui  est  pour  tout  pourrir.  Quoy  qu'il  en  soit,  il  n'y  a  nulle  reigle  ni  nulle  mesure  en  la  nature  des  hommes:  mais  tout  y  est  desborde  et  confus.  3