49:34  nis  et  angustiae:  dies  calamitatis  et  miseriae:  dies  tenebrarum  et  caliginis:  dies  nebulae  et  turbinis.  Similia  quoque  habes  Ioelis  (2,  2).  Amos  vero  (5,  18)  etiam  exclamat,  Vae  desiderantibus  diem  Domini:  ad  quid  eam  vobis:  dies  illa  Domini  tenebrae  et  non  lux.  Porro  quum  addit  vocabulum  revelationis  Paulus,  innuit  quis  ille  sit  irae  dies,  nempe  quum  Dominus  iudicium  suum  manifestabit:  cuius  tametsi  indicia  quaedam  quotidie  praebet,  liquidam  tamen  ac  plenam  manifestationem  in  eam  diem  suspendit  ac  continet1).  Tunc  enim  libri  aperientur,  tunc  segregabuntur  agni  ab  hoedis,  et  frumentum  zizaniis  repurgabitur.  6.  Qui  reddet  unicuique,  ete.  Quia  illi  cum  caecis  sanctulis  negotium  est,  qui  bene  obtectam  putant  cordis  nequitiam  modo  nescio  quibus  inanium  operum  fucis  praetexatur,  veram  operum  iustitiam  statuit,  quae  sit  coram  Deo  locum  habitura,  ne  sufficere  confidant  ad  eum  placandum,  si  verba  et  solas  nugas  vel  folia  attulerint.  Porro  in  hac  sententia  non  tantum  est  difficultatis,  quantum  vulgo  putatur.  Reproborum  enim  malitiam  iusta  ultione  si  puniet  Dominus,  rependet  illis  quod  meriti  sunt.  Rursum,  quia  sanctificat  quos  olim  statuit  glorificare:  in  illis  quoque  bona  opera  coronabit,  sed  non  pro  merito.  Neque  id  evincetur  ex  hac  sententia,  quae  tametsi  praedicit  quam  mercedem  habitura  sint  bona,  opera,  nequaquam  tamen  quid  valeant,  vel  quid  illis  debeatur  pretii  pronuntiat.  Stulta  autem  consequentia  est,  ex  mercede  statuere  meritum.  7.  Iis  quidem,  qui  secundum  perseverantiam.  Ad  verbum  est  p  a  t  e  n  t  i  a  m  ,  quo  vocabulo  plus  aliquid  exprimitur.  Perseverantia  enim  est  ubi  quis  constanter  benefaciendo  non  fatiscit:  at  tolerantia  quoque  in  sanctis  requiritur,  qua  licet  variis  tentationibus  oppressi  subsistant.  Non  enim  eos  expedito  cursu  ad  Dominum  pergere  Satan  permittit:  sed  innumeris  offendiculis  remorari  eos  atque  a  recta  via  avertere  nititur.  Quod  autem  dicit,  fideles  in  bonis  operibus  persistendo  gloriam  et  honorem  quaerere:  non  significat  eos  alio  adspirare  quam  ad  Dominum:  aut  aliquid  eo  superius  praestantiusve  expetere,  sed  ipsum  quaerere  nequeunt  quin  simul  ad  regni  eius  beatitudinem  contendant:  cuius  descriptio  sub  horum  verborum  periphrasi  continetur.  Sensus  ergo  est,  Dominum  vitam  aeternam  iis  redditurum,  qui  bonorum  operum  studio  immortalitatem  meditantur.  8.  Iis  vero,  qui  sunt  contentiosi.  Aliquantum  confusa  est  oratio.  Primum,  ob  abscissum  tenorem:  filum  enim  dictionis  requirebat,  ut  secundum  collationis  membrum  priori  cohaereret,  in  hunc  modum:  Dominus  iis,  qui  per  boni  operis  perseverantiam,  gloriam,  honorem  et  immortalitatem  quaerunt,  *)  servat.