48:34  revelet,  sed  omnes  ad  propheticam  usque  excellentiam  spirituali  sapientia  donandos  esse.  Quemad*  modum  et  apud  Ieremiam  (31,  34)  habetur:  Noa  docebit  quisque  proximum  suum  amplius,  quia  omnes  me  cognoscent  a  minimo  usque  ad  maximum.  Caeterum,  his  verbis  Petrus  Iudaeos,  quos  alloquitur,  ad  eiusdem  gratiae  communicationem  invitat.  Ac  si  diceret  spiritum,  quem  in  nos  effudit,  paratus  est  Dominus  longe  lateque  effundere.  Ergo>  nisi  per  vos  steterit,  haurietis  ex  hac  plenitudine  nobiscum.  Quod  autem  Iudaeis  tunc  dictum  fuit,  sciamus  et  nobis  hodie  dici.  Tametsi  enim  cessarunt  illae  visibiles  spiritus  gratiae,  non  tamen  spiritum  suum  ab  ecclesia  sua  Deus  subduxit.  Quare,  hac  promissione  eum  nobis  indiscriminatim  omnibus  quotidie  offert.  Unde  nos  non  nisi  nostra  ignavia  egeni  sumus  ac  inopes:  et  simul  clare  patet,  impios  et  sacrilegos  esse  spiritus  hostes,  qui  plebem  Christianam  arcent  a  Dei  notitia,  quum  ipse  foeminas  simul  ac  viros,  iuvenes  ac  senes  non  admittat  modo,  sed  nominatim  advocet.  18.  Super  servos  meos.  His  verbis  restringitur  promissio  ad  Dei  cultores.  Neque  enim  spiritum  suum  profanat  Deus:  quod  fieret,  si  prostitueret  incredulis  ac  contemptoribus.  Certum  quidem  est,  nos  spiritu  fieri  Dei  servos:  ideoque  non  esse,  donec  eum  receperimus:  sed  primum  quos  Deus  in  familiam  suam  cooptavit,  et  quos  spiritu  suo  formavit  in  suum  obsequium,  novis  postea  donis  cumulat.  Deinde,  non  respexit  propheta  ad  illum  temporis  ordinem,  sed  tantum  hanc  gratiam  ecclesiae  propriam  facere  voluit.  Quum  autem  ecclesia  non  nisi  apud  Iudaeos  esset,  eos  honorifice  appellat  servos  et  ancillas  Dei.  Verum,  ex  quo  Deus,  diruta  maceria,  ecclesiam  undique  sibi  collegit,  quotquot  in  foederis  societatem  recepti  sunt  eodem  nomine  censentur.  Tantum  meminerimus  peculiariter  ecclesiae  spiritum  destinari.  19.  20.  Et  dabo  prodigia.  Primo  loco  videndum  est,  quisnam  sit  iste  dies  magnus  Domini.  Alii  de  priore  Christi  adventu  in  carne  exponunt:  alii  vero  referunt  ad  ultimum  resurrectionis  diem.  Neutra  mihi  opinio  probatur.  Propheta  enim,  meo  iudicio,  totum  Christi  regnum  comprehendit.  Atque  ita  diem  magnum  vocat,  ex  quo  manifestari  in  carne  coepit  filius  Dei,  ut  nos  ad  complementum  regni  eius  ducat.  Non  ergo  certum  unum  diem  praefigit,  sed  a  prima  evangelii  promulgatione  diem  istum  inchoat,  et  usque  ad  ultimam  resurrectionem  extendit.  Qui  ad  aetatem  apostolorum  restringunt,  moventur  hac  ratione  quod  propheta  hoc  membrum  cum  proximo  connectit.  Sed  in  eo  nihil  absurdi  quod  propheta  tempus  signat,  quo  haec  fieri  coepta  sunt,  utcunque  assiduos  habeant  progressus  usque  ad  finem  mundi.  Porro,  quod  dicit  solem  conversum  iri  in  tenebras,  et  lunam  in  sanguinem,  metapho-  3  33